ରକ୍ଷକର ଶୁଭ ମହୁରତ, ପୁଣି ଦର୍ଶକଙ୍କୁ ହସାଇବାକୁ ଆସୁଛନ୍ତି ଜୟୀ

ଓଡିଆ ଚଳଚ୍ଚିତ୍ର ରକ୍ଷକର ଶୁଭ ମହୁରତ ହୋଇଯାଇଛି । ଭୁବନେଶ୍ବର ଏକ ଘରୋଇ ହୋଟେଲରେ ଏହାର ଶୁଭ ମହୁରତ ଅନୁଷ୍ଠିତ ହୋଇଯାଇଛି । ଅଧିକ ପଢନ୍ତୁ

ଭୁବନେଶ୍ବର: ଓଡିଆ ଚଳଚ୍ଚିତ୍ର 'ରକ୍ଷକ'ର ଶୁଭ ମହୁରତ ହୋଇଯାଇଛି । ଭୁବନେଶ୍ବର ଏକ ଘରୋଇ ହୋଟେଲରେ ଏହାର ଶୁଭ ମହୁରତ ଅନୁଷ୍ଠିତ ହୋଇଯାଇଛି । ଅମିତ ଫିଲ୍ମ କ୍ରିଏସନ ବ୍ୟାନରରେ ପ୍ରସ୍ତୁତ ହୋଇଥିବାବେଳେ ପ୍ରଯୋଜନାରେ ରହିଛନ୍ତି ଅକ୍ଷୟ କୁମାର ନାଏକ। ଦିବ୍ୟଜ୍ୟୋତି ପାତ୍ର ଫିଲ୍ମର ନିଦ୍ଦେର୍ଶନା ଦେଇଥିବାବେଳେ ମୁଖ୍ୟ ଅଭିନେତା କିଶୋର କୁମାର ଓ ଅଭିନେତ୍ରୀ ଭାବେ ସସ୍ମିତା ରହିଛନ୍ତି। ସବୁଠୁ ଖାସ୍‌ କଥା ହେଉଛି, ଅନେକ ଦିନ ପରେ ଲୋକପ୍ରିୟ ହାସ୍ୟ ଅଭିନେତା ଜୟୀରାମ ସାମଲ ଏହି ଚଳଚ୍ଚିତ୍ରରେ ଅଭିନୟ କରିଛନ୍ତି।

ପ୍ରଦ୍ୟୁମ୍ନ ଲେଙ୍କା, ଅଶ୍ରୁମୋଚନ, ରାଇମୋହନ, ବବି ମିଶ୍ରଙ୍କ ଭଳି ଅଭିଜ୍ଞ ଅଭିନେତାଙ୍କ ସହ ଅନେକ ଜଣାଶୁଣା କଳାକାରଙ୍କୁ ଏଥିରେ ଦେଖିବାକୁ ମିଳିବ । ବୈଦ୍ୟନାଥ ଦାସ ଗୀତ ଲେଖିଥିବାବେଳେ ଓ ଦୀପକ ଜେନା ସଂଳାପ ଦେଇଛନ୍ତି। ତେବେ କାହାଣୀଟି ଏକ ଗାଙ୍ଗଷ୍ଟାରର ଜୀବନକୁ ନେଇ ହୋଇଥିବାବେଳେ ଏଥିରେ ଭାଇ ଭଉଣୀର ନିଛକ ପ୍ରେମକାହାଣୀ ରହିଛି । ତେଣୁ ସିନେମାର ନାମ ରକ୍ଷକ ରହିଛି ।

ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ