ଭୁବନେଶ୍ବର: ସ୍କୁଲକୁ ଆସିବା ପାଇଁ ଅଭିଭାବକଙ୍କ ଅନୁମତି ଏବଂ ହଷ୍ଟେଲରେ ପିଲା ରହିବା ପାଇଁ କନସେଣ୍ଟ ଫର୍ମ ବାଧ୍ୟତାମୂଳକ । ହଷ୍ଟେଲ ଖୋଲିବା ନେଇ ଏସଓପି ମଧ୍ୟ ଜାରି ହୋଇସାରିଛି । ପିଲାଙ୍କ ସ୍ୱାସ୍ଥ୍ୟ ଆମ ପାଇଁ ଗୁରୁତ୍ୱପୂର୍ଣ୍ଣ । ଅଧିକାଂଶ ଶିକ୍ଷକ ଟିକା ନେଇ ସାରିଛନ୍ତି । ଯେଉଁମାନେ ବାକି ଅଛନ୍ତି ଦ୍ଵିତୀୟ ଡୋଜ ସେମାନେ କେମିତି ନେବେ ତାକୁ ପ୍ରାଥମିକତାସ୍ତରରେ ଦୃଷ୍ଟି ଦିଆଯିବ ବୋଲି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ କହିଛନ୍ତି ।
ଆଇସିଏମ୍ଆରରେ ପ୍ରାଥମିକ ସ୍କୁଲ ଖୋଲିବା ନେଇ ଏକ ପ୍ରକାର ଆଲୋଚନା ଚାଲିଛି । ଏନେଇ କୌଣସି ସବିଶେଷ ତଥ୍ୟ ରାଜ୍ୟ ସରକାରଙ୍କ ନିକଟକୁ ଆସିନାହିଁ । ତର୍ଜମା ଚାଲିଛି ନିର୍ଯ୍ୟାସ ଆସିଲେ ରାଜ୍ୟ ସରକାର ଠିକ ସମୟରେ ନିଷ୍ପତ୍ତି ନେବେ ।'
ସେହିପରି ଆମର ସର୍ଭିଲାନ୍ସ ରଖିବା ହେଉଛି ମୁଖ୍ୟ କାର୍ଯ୍ୟ ବୋଲି କହିଛନ୍ତି ଗଣ ଶିକ୍ଷା ମନ୍ତ୍ରୀ । ସରକାର ଯେଉଁ ଭଳି ଭାବେ କହିଛନ୍ତି କୋଭିଡ କଟକଣା ମାନିବାକୁ ହେବ ତେଣୁ ସ୍କୁଲ କର୍ତ୍ତୃପକ୍ଷ ତାହାକୁ ତଦାରଖ କରିବେ । ସ୍ୱାସ୍ଥ୍ୟ ବିଭାଗ ପକ୍ଷରୁ ଯେଉଁ କାମ ଆରମ୍ଭ ହେବ ତାହାର ସର୍ଭିଲାନ୍ସ ଉପରେ ନଜର ରହିବ । ଶିକ୍ଷକମାନଙ୍କ ପାଇଁ ସ୍ୱତନ୍ତ୍ର ଟୀକାକରଣ ବ୍ୟବସ୍ତା ନାହିଁ । ଆମେ ଯେଉଁ ବୟସ ଅନୁଯାୟୀ ଟୀକାକରଣ କରୁଛୁ, ସମସ୍ତ ଶିକ୍ଷକ ସେଥିରେ ଅନ୍ତର୍ଭୁକ୍ତ। ସମସ୍ତଙ୍କୁ ଟିକା ନେବାକୁ କୁହାଯାଇଛି, ସେମାନେ ନେବା କଥା, ଯଦି ନେଇ ନାହାନ୍ତି ସ୍ୱତଃପ୍ରବୃତ ଭାବରେ ଆସି ଟିକା ନିଅନ୍ତୁ ବୋଲି ସମୀର ଦାସ କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ