ଭୁବନେଶ୍ବର: ନୂଆବର୍ଷ ପାଇଁ ବିଳମ୍ବିତ ରାତି ପର୍ଯ୍ୟନ୍ତ ମଦ ଦୋକାନ ଖୋଲିବାକୁ ବିରୋଧ । ଏହାକୁ ବିରୋଧ କରିଛି ଛାତ୍ର କଂଗ୍ରେସ । ମଦ ଦୋକାନ ଖୋଲିବା ପ୍ରତିବାଦରେ ଦଳୀୟ କର୍ମୀ ଅବକାରୀ ମନ୍ତ୍ରୀଙ୍କ ବାସଭବନ ଘେରାଉ କରିଛନ୍ତି। ଏପଟେ ବିକ୍ଷୋଭକାରୀଙ୍କୁ ପୋଲିସ ମନ୍ତ୍ରୀଙ୍କ ବାସଭବନ ନିକଟରୁ ଉଠାଇ ନେଇଛି।
ନୂଆବର୍ଷ ପାଇଁ ସରକାରଙ୍କ ପକ୍ଷରୁ ରାତ୍ରି 1ଟା ପର୍ଯ୍ୟନ୍ତ ମଦ ଦୋକାନ ଖୋଲାଯିବାକୁ ନିଷ୍ପତ୍ତି ହୋଇଛି। ଅନ୍ୟ ଦିନ ମାନଙ୍କରେ ରାତ୍ରି 10ଟା ପର୍ଯ୍ୟନ୍ତ ମଦ ଦୋକାନ ଖୋଲା ରହୁଥିବା ବେଳେ ଏହାକୁ ନୂଆ ବର୍ଷ ପାଇଁ 12ଟା ପର୍ଯ୍ୟନ୍ତ ଘୁଞ୍ଚା ଯାଇଥିଲା। ପୁଣି ଏହାକୁ ଘୁଞ୍ଚାଯାଇ ସମୟ ବଢାଯାଇଛି ।ଏହା ଦ୍ବାରା ସରକାର ଚୋର ଡକାୟତ ଓ ଲମ୍ପଟଙ୍କୁ ପ୍ରୋତ୍ସାହନ ଦେବା ସହ ରାତ୍ରିରେ ସାଧାରଣ ନାଗରିକ ଓ ମହିଳାଙ୍କ ପାଇଁ ସଙ୍କଟଜନକ ସ୍ଥିତି ସୃଷ୍ଟି କରୁଥିବା ଅଭିଯୋଗ କରିଛି ଛାତ୍ର କଂଗ୍ରେସ।
ଅବକାରୀ ମନ୍ତ୍ରୀଙ୍କ ଘର ଆଗରେ ଧାରଣା ଦେଲା ଛାତ୍ର କଂଗ୍ରେସ