ଭୁବନେଶ୍ବର: କୁଚିଣ୍ଡାରେ କଂଗ୍ରେସ କର୍ମୀଙ୍କ ଆକ୍ରମଣକୁ ନେଇ ପ୍ରତିକ୍ରିୟା ରଖିଲେ ରାଜ୍ୟ ଛାତ୍ର କଂଗ୍ରେସ ସଭାପତି ୟାସିର ନୱାଜ । ନବୀନ ବାବୁ ଗୁଣ୍ଡାରାଜ କରି କଂଗ୍ରେସ ସ୍ବରକୁ ଚପାଇ ପାରିବେ ନାହିଁ ବୋଲି କହିଛନ୍ତି ।
ନବୀନ ବାବୁ ଗୁଣ୍ଡାରାଜ କରି କଂଗ୍ରେସର ସ୍ବରକୁ ଚପାଇ ପାରିବେ ନାହିଁ
ମୁଖ୍ୟମନ୍ତ୍ରୀଙ୍କ କୁଚିଣ୍ଡା ଗସ୍ତକୁ ମମିତା ମେହେର ହତ୍ୟାକାଣ୍ଡ ପ୍ରସଙ୍ଗରେ କୁଚିଣ୍ଡା ବିଧାନସଭା ଯୁବ କଂଗ୍ରେସ ସଭାପତି ଜୟନ୍ତ କିଷାନ ଓ ଛାତ୍ର କଂଗ୍ରେସ ନେତା ଆଶିଷ ପ୍ରତାପ ସିଂ ଗଣତାନ୍ତ୍ରୀକ ପ୍ରକ୍ରିୟାରେ ବିରୋଧ କରୁଥିବା ବେଳେ ବିଜୁ ଜନତା ଦଳର ଗୁଣ୍ଡାମାନେ ପୋଲିସର ଉପସ୍ଥିତିରେ ସେମାନଙ୍କୁ ଅତି ନୃଶଂସ ଭାବରେ ଆକ୍ରମଣ କରିଥିଲେ । ନବୀନ ବାବୁଙ୍କର ଏହି ହିଟଲର ଶାସନକୁ ଛାତ୍ର କଂଗ୍ରେସ ଦୃଢ଼ ନିନ୍ଦା କରିବା ସହ ଏହାର ଦୃଢ଼ ଜବାବ ଦିଆଯିବ ବୋଲି ଚେତାବନୀ ଦେଇଛନ୍ତି ।