ଭୁବନେଶ୍ବର: ପଦାରେ ପଡିଲା କଂଗ୍ରେସର ଦଳୀୟ କନ୍ଦଳ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ବିରୋଧରେ ବିଦ୍ରୋହ । ସେପଟେ ରାଜ୍ୟ କଂଗ୍ରେସର ସ୍ଥିତି ସୁଦୃଢ କରିବା ପାଇଁ ଦିଲ୍ଲୀରେ ମାନସ ମନ୍ଥନ ଚାଲିଥିବା ବେଳେ ଏପଟେ ରାଜ୍ୟରେ କର୍ମୀଙ୍କ ମଧ୍ୟରେ ସୃଷ୍ଟି ହୋଇଛି ଅସନ୍ତୋଷ ।
ଏକ ସାମ୍ବାଦିକ ସମ୍ମିଳନୀରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ବିରୋଧରେ ବିଷ ଓଗାଳିଛନ୍ତି ଛାତ୍ର କଂଗ୍ରେସର ଆବାହକ ଇତିଶ ପ୍ରଧାନ । ଶାସକ ଦଳ ହାତରେ ସେ ବିକ୍ରି ହୋଇଯାଇଛନ୍ତି ବୋଲି କହି ନିରଞ୍ଜନକୁ ସିଧାସଳଖ ଟାର୍ଗେଟ କରିଛନ୍ତି ଇତିଶ । ନିରଞ୍ଜନଙ୍କ ପୁଅ କେବେ ଦଳୀୟ ପତକା ଧରି ନଥିବା ବେଳେ ତାଙ୍କୁ ଟିକେଟ୍ ମିଳିବାକୁ ନେଇ ସେ କ୍ଷୋଭ ପ୍ରକାଶ କରିଛନ୍ତି । ଖାଲି ସେତିକି ନୁହେଁ ବେପାର ଓ ଟଙ୍କା ବୃଦ୍ଧି ପାଇଁ ସେ ସଭାପତି ହୋଇଛନ୍ତି । ତାଙ୍କ ପାଇଁ ହିଁ ସଙ୍ଗଠନ ବର୍ବାଦ ହୋଇଛି ବୋଲି କହି ନିରଞ୍ଜନଙ୍କ ଉପରେ ଜୋରଦାର ବର୍ଷିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର