ଭୁବନେଶ୍ବର:କେନ୍ଦୁଝର ଆରଟିଓ ଅଫିସ କଡରେ ବାଘ ଛାଲ ଡିଲ୍ । ହାତୀ ଦାନ୍ତ ସହ ଡିଲ୍ ବେଳେ ଏସଟିଏଫ ଚଢାଉ କରିଛି । ଚଢାଉ ବେଳେ ଗୋଟିଏ ବାଘ ଛାଲ ସହ ଦୁଇଟି ହାତୀ ଦାନ୍ତ ଜବତ କରାଯାଇଛି । 3 ଜଣ ଡିଲ୍ କରୁଥିବା ବ୍ୟକ୍ତିଙ୍କୁ ଗିରଫ କରିଛି ଏସଟିଏଫ ଟିମ୍ ।
ସେମାନେ ହେଲେ ଘୋଷଡା କରଞ୍ଜିଆର ଶେଖ୍ ହସମତ ଅଲି, ମୟୂରଭଞ୍ଜର ଚନ୍ଦ୍ରକାନ୍ତ ଧଳ ଓ ଜଂଘିରାର ମଳୟ କୁମାର ରାଉତ ବୋଲି ଜଣାପଡିଛନ୍ତି । ପୂର୍ବରୁ ମଧ୍ୟ ବନ ବିଭାଗ ଶେଖ୍ ହସମତ ଅଲିକୁ ଗିରଫ କରିଥିଲା । ବଜ୍ରକାପ୍ତା ଚଲାଣ କରିଥିବା ଅଭିଯୋଗରେ ଅନେକ ଥର ସେ ଗିରଫ ହୋଇଛି । ତେବେ କେତେ ଟଙ୍କାରେ ଡିଲ୍ କରୁଥିଲେ, ଏମାନେ ବେପାରୀ ନା ଶିକାରୀ ସେ ନେଇ ଛାନଭିନ କରୁଛି ଏସଟିଏଫ ଟିମ୍ । ଏହା ସହ ତିନି ଅଭିଯୁକ୍ତ ଗିରଫ ପରେ କୋର୍ଟ ଚାଲାଣ କରାଯିବ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ