ଆବାସ ଯୋଜନା ନେଇ କେନ୍ଦ୍ରର ଚିଠି, କାର୍ଯ୍ୟ ସମ୍ପୂର୍ଣ୍ଣ ନହେଲେ ରାଜ୍ୟ ଦେବ ଜରିମାନା

ପ୍ରଧାନମନ୍ତ୍ରୀ ଆବାସ ଯୋଜନାର କାର୍ଯ୍ୟକାରୀ ନେଇ କଠୋର ହେବ କେନ୍ଦ୍ର । ଧାର୍ଯ୍ୟ ସମୟରେ ଘର ସମ୍ପୂର୍ଣ ନହେଲେ ରାଜ୍ୟକୁ ଦେବାକୁ ପଡ଼ିବ ଜରିମାନା (Central govt issued letter for Awas Yojana) । ଏହାକୁ ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ ସମର୍ଥନ କରିଥିବା ବେଳେ ପ୍ରତିକ୍ରିୟା ଦେଇଛନ୍ତି ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ଅମାତ ।

ଭୁବନେଶ୍ବର:ପ୍ରଧାନମନ୍ତ୍ରୀ ଆବାସ ଯୋଜନାର କାର୍ଯ୍ୟକାରୀ ନେଇ କଠୋର ହେବ କେନ୍ଦ୍ର । ଧାର୍ଯ୍ୟ ସମୟରେ ଘର ସମ୍ପୂର୍ଣ ନହେଲେ ରାଜ୍ୟକୁ ଦେବାକୁ ପଡ଼ିବ ଜରିମାନା । ଏହାକୁ ନେଇ କେନ୍ଦ୍ର ଗ୍ରାମୀଣ ବିକାଶ ମନ୍ତ୍ରଣାଳୟ ରାଜ୍ୟଗୁଡ଼ିକୁ ଚିଠି ଲେଖିବା ପରେ ସରଗରମ ରହିଛି ରାଜ୍ୟ ରାଜନୀତି(Central govt issued letter for Awas Yojana) । ଏହାକୁ ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ ସମର୍ଥନ କରିଥିବା ବେଳେ ପ୍ରତିକ୍ରିୟା ଦେଇଛନ୍ତି ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ଅମାତ ।

କେନ୍ଦ୍ର ସରକାରଙ୍କ ଚିଠିକୁ ନେଇ ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ କହିଛନ୍ତି, "ଏହା ସମ୍ପୂର୍ଣ୍ଣ ଯଥାର୍ଥ । ଗରିବ ଲୋକଙ୍କ ସହ ଖେଳୁଥିବା ରାଜ୍ୟ ସରକାରକୁ ଏହା ସଠିକ ଉତ୍ତର । ଓଡ଼ିଶା ସରକାର ପ୍ରଧାନମନ୍ତ୍ରୀ ଆବାସ ଯୋଜନା ପ୍ରଚଳନରେ ଏକ ଦୁର୍ଭାଗ୍ୟପୂର୍ଣ୍ଣ ସ୍ଥିତି ସୃଷ୍ଟି କରିଛନ୍ତି । 2019 ମସିହା ପରଠୁ ଗୋଟିଏ ବି ଘରର ୱାର୍କ ଅର୍ଡର ଅନୁମୋଦନ କରାଯାଇନାହଁ । ହିତାଧିକାରୀ ତାଲିକା ଚୂଡାନ୍ତ କରାଯାଇନାହିଁ । ଲୋକମାନେ ଘର ପାଆନ୍ତୁ, ଏଥିପ୍ରତି ରାଜ୍ୟ ସରକାରଙ୍କର କୌଣସି ଇଚ୍ଛାଶକ୍ତି ନାହିଁ । ପରିସ୍ଥିତି ଅନୁଯାୟୀ ଏହା କେନ୍ଦ୍ର ସରକାରଙ୍କ ଏକ ଚାବୁକ ମାଡ଼ । ରାଜ୍ୟ ସରକାରଙ୍କ ନିଦ ଭାଙ୍ଗିବ ।"

ପ୍ରଧାନମନ୍ତ୍ରୀ ଆବାସ ଯୋଜନାରେ ଏଣିକି ତତ୍ପରତାର ସହିତ ଯୋଗ୍ୟ ହିତାଧିକାରୀଙ୍କୁ ଚୟନ କରିବା ସହ ଘର ନଦେଲେ ଫଳାଫଳ ଭୋଗିବେ ରାଜ୍ୟ ସରକାର । ରାଜ୍ୟ ଯେଉଁ ଅପମାନଜନକ ସ୍ଥିତିରେ ପଡ଼ିବ ସେକଥା ରାଜ୍ୟ ସରକାର ବୁଝିବେ । ରାଜ୍ୟ ସରକାର ଯାହା କରିନାହାନ୍ତି ତାହା କରିବେ ବୋଲି କହିଛନ୍ତି ପୃଥ୍ବୀରାଜ ହରିଚନ୍ଦନ ।

ସପେଟ କେନ୍ଦ୍ର ସରକାରଙ୍କ ଚିଠିକୁ ନେଇ ପ୍ରତିକ୍ରିୟା ରଖିଛନ୍ତି ପଞ୍ଚାୟତିରାଜମନ୍ତ୍ରୀ ପ୍ରଦୀପ ଅମାତ । କେନ୍ଦ୍ର ସରକାରଙ୍କ କୌଣସି ଚିଠି ହସ୍ତଗତ ହୋଇନି ବୋଲି ସେ କହିଛନ୍ତି । ସେ କହିଛନ୍ତି, "କେନ୍ଦ୍ର ଦେଇଥିବା ଚିଠି ଆମର ହସ୍ତଗତ ହୋଇନାହିଁ । ତଥାପି ଆବାସ ନେଇ କେନ୍ଦ୍ର ସରକାର ଯାହା ସବୁ ନିର୍ଦ୍ଦେଶ ଦେଉଛନ୍ତି ତାହାଠୁ ଅଧିକ ଆମେ କରୁଛୁ । ଧାର୍ଯ୍ୟ ସମୟରେ ଯିଏ ଘର ସମ୍ପୂର୍ଣ୍ଣ କରୁଛି ତାକୁ ଆମେ 2 ହଜାର ପୁରସ୍କାର ଦେଉଛୁ ।

ଆଉ ଧାର୍ଯ୍ୟ ସମୟର 6 ମାସ ମଧ୍ୟରେ ଯିଏ ସମ୍ପୂର୍ଣ୍ଣ କରୁଛି ତାକୁ ଆମେ 10 ହଜାର ଟଙ୍କା ଦେଉଛୁ । ଏହାସହ ଆବାସ ଯୋଜନା ନେଇ ସୋସିଆଲ ଅଡିଟ କାର୍ଯ୍ୟକ୍ରମର ପ୍ରାବଧାନ ଆମର ବି ରହିଛି । ଲୋକଙ୍କ ପାଇଁ ରାଜ୍ୟ ସରକାର ତତ୍ପର ଅଛନ୍ତି ସମସ୍ତ କାର୍ଯ୍ୟକ୍ରମ ତ୍ବରାନ୍ବିତ ବି କରୁଛନ୍ତି । ରାଜ୍ୟ ସରକାର କେନ୍ଦ୍ର ସରକାରଙ୍କଠୁ ଅଧିକ ତତ୍ପର ଅଛନ୍ତି । କିପରି ଅଧିକରୁ ଅଧିକ ଘରକାମ ଶୀଘ୍ର ଶେଷ ହେବ ସେନେଇ କାମ ବି କରୁଛନ୍ତି । ଆବାସ ଯୋଜନା 60-40ରେ ଚାଲିଛି । କିନ୍ତୁ ଆମର ମ୍ୟାନ୍‌ ପାୱାର ଖର୍ଚ୍ଚ ହିସାବ କଲେ ଆମର 60 କେନ୍ଦ୍ରର 40 ଭାଗ ଅନୁଦାନ ହେବ ।"

ଆବାସ ଯୋଜନା ନେଇ ରାଜ୍ୟ ସରକାର କେନ୍ଦ୍ର ସରକାରଙ୍କଠୁ ଅଧିକ ତତ୍ପର । ଧାର୍ଯ୍ୟ ସମୟରେ କାମ ସାରିବା ପାଇଁ ରାଜ୍ୟ ସବୁବେଳେ କାମ କରୁଛି । କେନ୍ଦ୍ରର କିଛି ପ୍ରାବଧାନ ନଥିବା ବେଳେ ହିତାଧିକାରୀ କେମିତି ଶୀଘ୍ର ଘର ସମ୍ପୂର୍ଣ୍ଣ କରିବେ ସେନେଇ ପ୍ରୋତ୍ସାହନ ରାଶୀ ଯୋଗାଇ ଦେଉଛନ୍ତି ବୋଲି କହିଛନ୍ତି ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ଅମାତ ।