ଭୁବନେଶ୍ବର: ଆଜି ଦେଶ ପାଳୁଛି 76ତମ ସ୍ବାଧୀନତା ଦିବସ । ଏନେଇ ଉତ୍ସବ ମୁଖର ଦିଲ୍ଲୀରୁ ପଲ୍ଲୀ । ରାଜ୍ୟସ୍ତରୀୟ ସ୍ବାଧୀନତା ଦିବସ ପାଳନ ସମାରୋହ(Independence Day Celebration)ରେ ଯୋଗ ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସକାଳ ୯ଟା ସମୟରେ ପରେଡ ଅଭିବାଦନ ଗ୍ରହଣ କରିବେ ମୁଖ୍ୟମନ୍ତ୍ରୀ ।
ଏନେଇ ପ୍ରଦର୍ଶନୀ ପଡ଼ିଆରେ ରାଜ୍ୟସ୍ତରୀୟ ସ୍ବାଧୀନତା ଦିବସ ସମାରୋହ ଆୟୋଜନ ହୋଇଛି । ପରେଡ ପରିବେଷଣ କରିବେ ଓଡ୍ରାଫ ଟିମ୍ ସହ ଓଏଏସପି ବାଟାଲିୟନ ଓ ଓଏସଜି ଗ୍ରୁପର ଯବାନ । ପୋଲିସ ବ୍ୟାଣ୍ଡ ତାଳେ ତାଳେ ପରେଡ ପରିବେଷଣ କରିବେ ମୋଟ ୪ଟି ଟିମ୍ । ଏନେଇ କୋଭିଡ ପାଇଁ କଟକଣା ରହିଥିବା ବେଳେ ଭିଭିଆଇପି ଓ ବରିଷ୍ଠ ଅଫିସରମାନେ ମଧ୍ୟ ଉପସ୍ଥିତ ରହିବେ । ଏନେଇ ସମସ୍ତ ପ୍ରସ୍ତୁତି ଶେଷ ହୋଇଛି। ଶେଷରେ ମୁଖ୍ୟ ଶାସନ ସଚିବ ଓ ପୋଲିସ ଡ଼ିଜିଙ୍କ ଉପସ୍ଥିତିରେ ପରେଡ ଅଭିବାଦନ ଗ୍ରହଣ କରିବେ ମୁଖ୍ୟମନ୍ତ୍ରୀ । ପରେ ରାଜ୍ୟବାସୀଙ୍କୁ ସମ୍ବୋଧିତ କରିବେ ନବୀନ ।