ଭୁବନେଶ୍ବର: କେନ୍ଦ୍ର ସରକାରଙ୍କ ହିସାବ ଅନୁସାରେ ଠିକ ସମୟରେ ଶିଶୁ ମାନଙ୍କ ପାଇଁ 600 ବେଡ଼ର ଆବଶ୍ୟକତା ଅଛି । ରାଜ୍ୟ ସରକାର 3000 ବେଡ଼ ପାଇଁ ପ୍ରସ୍ତୁତି ଚଳାଇଛନ୍ତି । 200ରୁ 250 ଆଇସିୟୁ ବା ଏଚଡିୟୁ ବେଡ ହେବ । 3000 ବେଡ଼ ବିଭିନ୍ନ ହସ୍ପିଟାଲ, ଘରୋଇ କୋଭିଡ ହସ୍ପିଟାଲ, ସରକାରୀ ଡାକ୍ତରଖାନା, ମେଡ଼ିକାଲ କଲେଜ, ଜିଲ୍ଲା ମୁଖ୍ୟ ଚିକିତ୍ସାଳୟରେ ରହିବ । କେନ୍ଦ୍ରର ଆକଳନ ଅନୁସାରେ ଦୈନିକ 10 ହଜାର ପିକ ହେଲେ 600 ବେଡ଼ ଶିଶୁଙ୍କ ପାଇଁ ଦରକାର । ରାଜ୍ୟରେ ପିକ ସମୟରେ 10ରୁ 12 ହଜାର ସଂକ୍ରମଣ ହୋଇଥିଲା ।
ଅକ୍ସିଜେନ ଯଥେଷ୍ଟ ପରିମାଣରେ ଅଛି। ଜିଲ୍ଲା ହସ୍ପିଟାଲ ମାନଙ୍କରେ ଏଲଏମଓ ପ୍ଲାଣ୍ଟ ଓ ଡିଏସଏ ପ୍ଲାଣ୍ଟ ଲାଗିବା କାମ ଚାଲିଛି । ତୃତୀୟ ଲହର ବେଳକୁ କିଛି ଅସୁବିଧା ନଥିବ । ଏହି ମାସ ଶେଷ ସୁଦ୍ଧା ସବୁ ଜିଲ୍ଲା ମୁଖ୍ୟାଳୟରେ ଆରଟିପିସିଆର ଟେଷ୍ଟ ବ୍ୟବସ୍ଥା ହୋଇପାରିବ । ରାଜ୍ୟରେ ଭିତ୍ତିଭୂମି, ଟ୍ରେନିଂ ଓ ଆବଶ୍ୟକୀୟ ଉପକରଣ ସବୁ ଠିକ ଅଛି । ପିଲା ମାନଙ୍କ ସ୍ବତନ୍ତ୍ର ଚିକିତ୍ସା ଲାଗି 30 କୋଟି ଟଙ୍କାର 36ଟି ଉପକରଣ, 30 ପ୍ରକାର ଔଷଧ ତାଲିକା ପ୍ରସ୍ତୁତ ହୋଇ ସରକାର କିଣିବା ଆରମ୍ଭ କରିଛନ୍ତି ବୋଲି ଜନସ୍ବାସ୍ଥ୍ୟ ନିର୍ଦ୍ଦେଶକ କହିଛନ୍ତି ।
ସେପଟେ ସମ୍ଭାବ୍ୟ ତୃତୀୟ ଲହର ନେଇ ସ୍ୱାସ୍ଥ୍ୟ ବିଭାଗ ପ୍ରସ୍ତୁତ । ତୃତୀୟ ଲହର ନେଇ ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ପ୍ରତିକ୍ରିୟା ରଖିଛନ୍ତି। ତୃତୀୟ ଲହର ପାଇଁ ପ୍ରସ୍ତୁତ ଅଛୁ । ଜେନେରାଲ ବେଡ଼ ଯେତିକି ବଢ଼ିବା କଥା ବଢ଼ିଛି । ସରକାରଙ୍କ ଗାଇଡ଼ ଲାଇନ ଅନୁସାରେ ପେଡ଼ିଆଟ୍ରିକ ବେଡ଼ ସଂଖ୍ୟା ବଢିବା ନେଇ ପ୍ରସ୍ତୁତି ଚାଲିଛି । ଆବଶ୍ୟକୀୟ ଉପକରଣ, ଅକ୍ସିଜେନ, ଭିତ୍ତିଭୂମି ପ୍ରସ୍ତୁତି ରହିଛି । ଅକ୍ସିଜେନ ପ୍ଲାଣ୍ଟର ବ୍ୟବସ୍ଥା ମଧ୍ୟ କରାଯାଉଛି ।