ଭୁବନେଶ୍ବର: କେନ୍ଦ୍ର ସରକାର ଗତକାଲି (ବୁଧବାର) 17 ଟି କୃଷି ଜାତ ଉତ୍ପାଦର ସର୍ବନିମ୍ନ ସହାୟକ ମୂଲ୍ୟ (MSP) ବୃଦ୍ଧି କରିଛନ୍ତି । ଧାନର ସର୍ବନିମ୍ନ ସହାୟକ ମୂଲ୍ୟ 100 ଟଙ୍କା ବୃଦ୍ଧି କରାଯାଇଛି । ପୂର୍ବରୁ ଏହାର ମୂଲ୍ୟ କ୍ୱିଣ୍ଟାଲ ପିଛା 1940 ଥିଲା କିନ୍ତୁ ବର୍ତ୍ତମାନ 2040 ହେଲା ।
MSP ର ପୁରା ଅର୍ଥ ଚାଷୀ ସିଧାସଳଖ ପାଇବାର ପ୍ରତିଶୃତି ରାଜ୍ୟ ସରକାର ଦିଅନ୍ତୁ
ସେହିପରି FAQ ମାନର ମୂଲ୍ୟ 1960 ରୁ 2060 କୁ ବୃଦ୍ଧି କରାଯାଇଛି । ଏହାକୁ ନେଇ ବିଜେପି କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ କେନ୍ଦ୍ର ସରକାରଙ୍କୁ ଧନ୍ୟବାଦ ଦେଇଛନ୍ତି । 17 ଟି କୃଷିଜାତ ଦ୍ରବ୍ୟର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ହେଲା ରାଜ୍ୟର ଏବଂ ଦେଶର ଚାଷୀ ମାନେ ଖୁସି ଅଛନ୍ତି । ହେଲେ ବିଜେଡି କାହିଁକି ଏଥିପାଇଁ ଦୁଃଖୀ ହୋଇଯାଉଛି । ତେବେ ସାମ୍ବାଦିକ ସମ୍ମିଳନୀ କରିଥିବା ବିଜେଡି ନେତା ସସ୍ମିତ ପାତ୍ର ଓ ଓଡିଶା ସରକାରଙ୍କୁ ପ୍ରଶ୍ନ କରିଛନ୍ତି ପ୍ରଦୀପ ।