ଭୁବନେଶ୍ବର: ପ୍ରବାସୀ ଓଡିଆ ପ୍ରସଙ୍ଗରେ ପୁଣି ଥରେ ରାଜ୍ୟ ସରକାରଙ୍କୁ ଘେରିଲେ ବିରୋଧୀ । ପ୍ରବାସୀ ଓଡିଆଙ୍କୁ ନେଇ ହାଇକୋର୍ଟଙ୍କ ନିର୍ଦ୍ଦେଶ ପରେ ପ୍ରବାସୀଙ୍କ ବ୍ୟାଙ୍କ ଖାତାକୁ ଟଙ୍କା ପଠାଇବାକୁ ଦେଲେ ପରାମର୍ଶ ।
ପ୍ରବାସୀ ଓଡିଆଙ୍କ ଆକାଉଣ୍ଟକୁ ଟଙ୍କା ପଠାନ୍ତୁ ରାଜ୍ୟ ସରକାର
ପ୍ରବାସୀ ଓଡିଆଙ୍କ ଉପରେ ପ୍ରତିକ୍ରିୟା ରଖି ବରିଷ୍ଠ ବିଜେପି ନେତା ବିଜୟ ମହାପାତ୍ର କହିଛନ୍ତି,‘ମାନ୍ୟବର ହାଇକୋର୍ଟଙ୍କ ଆଦେଶ ମାନି ରାଜ୍ୟ ସରକାରଙ୍କୁ କାମ କରିବାକୁ ପଡିବ । କିନ୍ତୁ ଯେଉଁମାନେ ବାହାରୁ ଆସିବାକୁ ପ୍ରସ୍ତୁତ ହେଉଥିଲେ ସେମାନଙ୍କ ଅସୁବିଧା ଦ୍ଵିଗୁଣିତ ହୋଇଗଲା । ତେଣୁ ସରକାର ତାଙ୍କ ପାଇଁ ଆବଶ୍ୟକୀୟ ଅର୍ଥ ବନ୍ଦୋବସ୍ତ କରନ୍ତୁ । ସର୍ବନିମ୍ନ 5 ହଜାର ଟଙ୍କା ଯଥାଶୀଘ୍ର ତାଙ୍କ ଆକାଉଣ୍ଟରେ ନଦେଲେ ସେମାନେ ବଞ୍ଚିବା କଷ୍ଟକର ହୋଇଯିବ ।’
ଅନ୍ୟ ରାଜ୍ୟ ଏନେଇ ପଦକ୍ଷେପ ନେଲେଣି । ତେଣୁ ଆମ ରାଜ୍ୟ ସରକାର ତୁରନ୍ତ ପ୍ରବାସୀ ଓଡିଆଙ୍କ ପାଇଁ ସୁଚିନ୍ତିତ ପଦକ୍ଷେପ ଘୋଷଣା କରନ୍ତୁ, ଯାହା ଫଳରେ ସେମାନଙ୍କ ମନରେ ବଞ୍ଚିବାର ଆଶା ସଞ୍ଚାର ହୋଇପାରିବ ବୋଲି କହିଛନ୍ତି ବିଜୟ ମହାପାତ୍ର।