ଭୁବନେଶ୍ବର: ରାଜଧାନୀ ଭୁବନେଶ୍ବରର ସୌନ୍ଦର୍ଯ୍ୟକରଣ ଏବଂ ଉଦ୍ୟାନ କୃଷିର ପ୍ରଗତି ପାଇଁ ୮୦ ଦଶକରେ ୨୬ ଏକର ପରିମିତରେ ପ୍ରତିଷ୍ଠା ହୋଇଥିଲା ଏକାମ୍ର ପାର୍କ । ଏବେ ଏହାକୁ ବିକ୍ରି କରିବା ପାଇଁ ରାଜ୍ୟ ସରକାର ଯେଉଁ ଚକ୍ରାନ୍ତ କରୁଛନ୍ତି ତାହା ଅତ୍ୟନ୍ତ ଦୁର୍ଭାଗ୍ୟଜନକ । ମଙ୍ଗଳବାର କଂଗ୍ରେସ ଭବନରେ ଏଭଳି ଅଭିଯୋଗ ଆଣି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁରେଶ ରାଉତରାୟ ।
ଭୁବନେଶ୍ୱର ଏକାମ୍ର କାନନ ଜାନକୀ ପଟ୍ଟନାୟକଙ୍କ ସମୟରେ ହୋଇଥିଲା । ଯେଉଁଠି ଦେଶ ବିଦେଶର ବହୁ ପ୍ରଜାତିର ପକ୍ଷୀ ଆସିଥାନ୍ତି ଏବଂ ସେଠାରେ ୩୦ ଲକ୍ଷ ମୂଲ୍ୟବାନ ବୃକ୍ଷ ରହିଛି । ଯାହାର ଆନୁମାନିକ ମୂଲ୍ୟ ୩୦ କୋଟି ଟଙ୍କା ହେବ । କିନ୍ତୁ ରାଜ୍ୟ ସରକାର ଏସବୁ ପ୍ରାକୃତିକ ସମ୍ପଦକୁ ନଷ୍ଟ କରି ସେଠାରେ ପ୍ଲଟିଂ କରି ବିକ୍ରି କରିବା ପାଇଁ ପ୍ଲାନିଂ କରିଛନ୍ତି । ଏମିତି କିଛି ଦାବି କରୁଛି କଂଗ୍ରେସ ।
ଏକାମ୍ର ଉଦ୍ୟାନ ବିକ୍ରି ନେଇ ରାଜ୍ୟ ସରକାର ଚକ୍ରାନ୍ତ କରୁଛନ୍ତି: ସୁର ରାଉତରାୟ