ଭୁବନେଶ୍ବର: ରାଜ୍ୟ ବିଜେପି କାର୍ଯ୍ୟାଳୟରେ ରାଜ୍ୟ ସଭାପତି ସମୀର ମହାନ୍ତିଙ୍କ ସାମ୍ବାଦିକ ସମ୍ମିଳନୀ। ବିଭିନ୍ନ ପ୍ରସଙ୍ଗରେ ରାଜ୍ୟ ସରକାରଙ୍କୁ କଲେ ଟାର୍ଗେଟ। ସମୀରଙ୍କ ଅଭିଯୋଗ, ପଞ୍ଚାୟତିରାଜ ବ୍ୟବସ୍ଥାର ମୂଳଲକ୍ଷ୍ୟ ଲୋକଙ୍କୁ ମୌଳିକ ସୁବିଧା ଦେବା ।
ସେ କହିଛନ୍ତି "କେନ୍ଦ୍ର ସରକାର ରାଜ୍ୟର ଉନ୍ନତି ପାଇଁ ଅନେକ ଅର୍ଥ ଦେଉଛନ୍ତି। ରାଜ୍ୟ ସରକାରଙ୍କ ତ୍ରୁଟିପୂର୍ଣ୍ଣ ନୀତି ଯୋଗୁଁ ତାହାର ସଠିକ ବ୍ୟବହାର ହୋଇ ପାରୁନାହିଁ । ରାଜ୍ୟ ସରକାର ପଞ୍ଚାୟତିରାଜ ଦିନକୁ ଧୁମଧାମରେ ପାଳନ କରୁଛନ୍ତି। ଭଲ କଥା। କିନ୍ତୁ ତାସହିତ ଲୋକଙ୍କ ପାଇଁ ଆସୁଥିବା ଅର୍ଥ ଖର୍ଚ୍ଚ ହେବା ଦରକାର। ମୁଁ କହିବି ଏହି ବ୍ୟବସ୍ଥା ନାହିଁ ନାହିଁରେ ଚାଲୁଛି ବୋଲି କୁହାଯାଇପାରେ।"
ଅନେକ ପଞ୍ଚାୟତରେ ବିଭାଗୀୟ ଅଧିକାରୀ ନାହାଁନ୍ତି। ବିଭିନ୍ନ ପଞ୍ଚାୟତରେ ଅର୍ଥ ପଡିରହିଛି। ତାର ବ୍ୟବହାର କରିବା ପାଇଁ ରାଜ୍ୟ ଦରକାର ଉଦ୍ୟମ କରିବା ଦରକାର। ଏନେଇ ପଞ୍ଚାୟତରାଜ ବିଭାଗକୁ ମଧ୍ୟ ଚିଠି ଲେଖିଛି । ଆବଶ୍ୟକ ଅଧିକାରୀ ନଥିବାରୁ ଅର୍ଥ ଖର୍ଚ୍ଚ ନହୋଇ ପଡିରହିଛି, ତାର ତର୍ଜମା କରାଯିବା ଦରକାର ।