ଭୁବନେଶ୍ବର: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ଘନ ଘନ ଜେରା ଜାରି ରଖିଛି । ରାହୁଲଙ୍କୁ ଇଡିର ଜେରାକୁ ଦଳ କିନ୍ତୁ ତୀବ୍ର ବିରୋଧ କରିଛି । ନୂଆଦିଲ୍ଲୀରେ ପ୍ରତିବାଦ ପରେ ଏହା ରାଜ୍ୟ ଶାଖାକୁ ମଧ୍ୟ ବ୍ୟାପିଛି । ଏହି କ୍ରମରେ ଆସନ୍ତାକାଲି(ଗୁରୁବାର) ଓଡିଶା କଂଗ୍ରେସ ରାହୁଲ ଗାନ୍ଧୀଙ୍କୁ ସମର୍ଥନ କରି ଇଡିର କାର୍ଯ୍ୟକଳାପକୁ ବିରୋଧ କରି ରାଜଭବନ ସମ୍ମୁଖରେ ପ୍ରତିବାଦ କରିବ ।
ରାହୁଲ ଗାନ୍ଧୀଙ୍କୁ ଜେରା, ରାଜଭବନ ସମ୍ମୁଖରେ ଧାରଣ ଦେବ ରାଜ୍ୟ କଂଗ୍ରେସ
ଏନେଇ ଆଜି ପ୍ରେସମିଟ କରି ସୂଚନା ଦେଇଛନ୍ତି ରାଜ୍ୟ କଂଗ୍ରେସ ପିସିସି ସଭାପତି ଶରତ ପଟ୍ଟନାୟକ । ଶରତ କହିଛନ୍ତି ଆସନ୍ତାକାଲି ରାଜଭବନ ସମ୍ମୁଖରେ ଧାରଣା ଦେବ ଦଳ । ଏହାସହ ଶୁକ୍ରବାର ରାଜ୍ୟରେ ଥିବା କେନ୍ଦ୍ର ସରକାରଙ୍କ ବିଭିନ୍ନ ଅଫିସ ସମ୍ମୁଖରେ ମଧ୍ୟ ଶାନ୍ତି ପୂର୍ଣ୍ଣ ପ୍ରତିବାଦ କରିବ । ଏହାସହ ଶରତ କହିଛନ୍ତି ଦିଲ୍ଲୀରେ କଂଗ୍ରେସ କର୍ମୀଙ୍କ ଉପରେ ପୋଲିସର କାର୍ଯ୍ୟାନୁଷ୍ଠାନ ନିନ୍ଦନୀୟ । ବିଜେପି ନିର୍ଦ୍ଦେଶରେ ଇଡି ଏଭଳି କରୁଛି । ଏହାର ପ୍ରତିବାଦ କରିବ କଂଗ୍ରେସ ।