ଭୁବନେଶ୍ବର: ବିଜେପି ରାଜ୍ୟ ସଭାପତି ସମୀର ମହାନ୍ତିଙ୍କ ପ୍ରେସମିଟ । ପ୍ରେସମିଟରେ ରାଜ୍ୟରେ ବନ୍ୟା ସ୍ଥିତି ନେଇ ରାଜ୍ୟ ସରକାରଙ୍କୁ କଲେ ସମାଲୋଚନା । ସମୀର ଅଭିଯୋଗ କରିଛନ୍ତି ବନ୍ୟା ସମୟରେ ରାଜ୍ୟ ସରକାରଙ୍କ ଅବହେଳା ସାମ୍ନାକୁ ଆସିଛି । ନଦୀ ବନ୍ଧ ସୁରକ୍ଷା ନେଇ କିଛି ପଦକ୍ଷେପ ନେଇ ନାହାଁନ୍ତି ସରକାର । ବନ୍ୟାରେ 10 ଜିଲ୍ଲା ପ୍ରଭାବିତ ହୋଇଛି । ଅନେକ ଗାଁ ପାଣି ଘେରରେ ରହିଛି । ନଦୀବନ୍ଧ ସୁରକ୍ଷା ନେଇ ଗତ ତିନି ବର୍ଷ ହେବ ସମୀକ୍ଷା ବୈଠକ କରିନାହାନ୍ତି ସରକାର । ଅନେକ ନଦୀ କୂଳିଆ ଲୋକେ ବିପନ୍ନ ଅବସ୍ଥାରେ ଅଛନ୍ତି । ସରକାର କେବଳ ବୈଠକ, ନିର୍ଦେଶ ଓ ନୋଟିସରେ ସୀମିତ ରହିଛନ୍ତି । କିନ୍ତୁ ବାସ୍ତବରେ ଲୋକଙ୍କ ନିକଟରେ ପହଞ୍ଚି ନାହାନ୍ତି । 22 ବର୍ଷ ଶାସନ ଭିତରେ ମହାନଦୀ କୁ ସମ୍ପୂର୍ଣ୍ଣ ଭାବେ ଅଣଦେଖା କରାଯାଇଛି ବୋଲି ସମୀର ଅଭିଯୋଗ କରିଛନ୍ତି ।
ରାଜ୍ୟରେ ବନ୍ୟା ନେଇ ସରକାରଙ୍କୁ ଘେରିଲେ ବିଜେପି ସଭାପତି