ନିଦ ହଜାଇଛି ବାତ୍ୟା ‘ଅମ୍ଫାନ’, ରାତାରାତି ବୈଠକ କଲେ ଏସଆରସି

ସାରା ଦେଶକୁ କୋରୋନା ଭୟ ଗ୍ରାସ କରିଥିବା ବେଳେ ଓଡିଶାକୁ ପୁଣି ମାଡି ବସିଛି ବାତ୍ୟା ଭୟ । ଏମିତିରେ ରାତାରାତି ଚାଲିଛି ବୈଠକ ପରେ ବୈଠକ ।

ଭୁବନେଶ୍ବର: ସାରା ଦେଶକୁ କୋରୋନା ଭୟ ଗ୍ରାସ କରିଥିବା ବେଳେ ଓଡିଶାକୁ ପୁଣି ମାଡି ବସିଛି ବାତ୍ୟା ଭୟ । ଏମିତି ସ୍ଥିତିରେ ରାତାରାତି ଚାଲିଛି ବୈଠକ ପରେ ବୈଠକ । ସ୍ବତନ୍ତ୍ର ରିଲିଫ କମିଶନରଙ୍କ କାର୍ଯ୍ୟାଳୟରେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ବିଳମ୍ବିତ ରାତିରେ ପହଞ୍ଚିବା ପରେ ହୋଇଥିଲା ଜରୁରୀ ବୈଠକ । ଆଉ ସେଠାରେ 3 ଜିଲ୍ଲାର ଜିଲ୍ଲାପାଳଙ୍କ ସହିତ ହୋଇଛି ବାତ୍ୟା ମୁକାବିଲା ସ୍ଥିତି ନେଇ ଆଲୋଚନା ।

ସୂଚନା ଅନୁଯାୟୀ ଜଗତସିଂହପୁର, ବାଲେଶ୍ଵର ଓ ଭଦ୍ରକ ଜିଲ୍ଲାପାଳଙ୍କ ସହିତ ଆଲୋଚନା କରି ଲୋକଙ୍କ ସ୍ଥାନାନ୍ତରଣ ନେଇ ତଥ୍ୟ ମାଗିଥିଲେ ସ୍ବତନ୍ତ୍ର ରିଲିଫ କମିଶନର । ତେବେ ପରିସ୍ଥିତି ଉପରେ କଡା ନଜର ରଖିଛନ୍ତି ସରକାର । ଯେପରି କୌଣସି କ୍ଷତି ନହୁଏ ସେଥିପାଇଁ ସମସ୍ତେ ପୁରା ଦମରେ ଲାଗି ପଡିଥିବା ଜଣାପଡିଛି ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ