ଭୁବନେଶ୍ବର: ରାଜ୍ୟରେ ବଢ଼ିବାରେ ଲାଗିଛି କରୋନା ସଂକ୍ରମଣ । ସପ୍ତାହକ ମଧ୍ୟରେ ସଂକ୍ରମଣ ଉର୍ଦ୍ଧ୍ବଗାମୀ ହୋଇଛି । ସେହିପରି ଓମିକ୍ରନ ଅର୍ଦ୍ଧଶତକ ମରିସାରିଲାଣି । ଏହାକୁ ନଜରରେ ରଖି ବଡ଼ ପଦକ୍ଷେପ ନେଇଛନ୍ତି ରାଜ୍ୟ ସରକାର । ତେଣୁ, ରାଜ୍ୟ ସରକାର ଜାରି କରିଛନ୍ତି ନୂଆ ଗାଇଡ଼ ଲାଇନ । ନୂଆ ଗାଇଡ଼ ଲାଇନରେ ଜୀବନ ଓ ଜୀବିକାକୁ ଗୁରୁତ୍ବ ଦିଆଯାଇଛି ।
New Covid Guideline: ରାତି ୯ଟାରୁ ନାଇଟ କର୍ଫ୍ୟୁ, ଭିଡ ହେଲେ ଦୋକାନ ବଜାର ୭ ଦିନ ସିଲ୍
ସ୍ବତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ଭିଡିଓ ବାର୍ତ୍ତା ମାଧ୍ୟମରେ ରାଜ୍ୟରେ ସଂକ୍ରମଣ ବୃଦ୍ଧିକୁ ନେଇ ନୂଆ ଗାଇଡଲାଇନ୍ ଜାରି କରିଛନ୍ତି । ରାଜ୍ୟର ସମସ୍ତ ସହରାଞ୍ଚଳରେ ଏଣିକି ରାତି 9ଟାରୁ ନାଇଟ୍ କର୍ଫ୍ୟୁ ଲାଗୁ କରାଯାଇଛି । ସକାଳ 5 ଟା ପର୍ଯ୍ୟନ୍ତ ଏହି କଟକଣା ଜାରି ରହିବ । ଏହାସହିତ ରାଜ୍ୟରେ ବନ୍ଦ ରହିବ କ୍ଲାସରୁମ୍ ପାଠପଢ଼ା । ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ଏହି ପ୍ରକ୍ରିୟା ଜାରି ରହିବ । ପୂର୍ବପରି ଅନଲାଇନରେ ପାଠପଢ଼ା ଜାରି ରହିବ ।