ଭୁବନେଶ୍ବର: ଏସଟିଏଫ ପଞ୍ଝାରେ ଫଶିଲା ଆଉ ଜଣେ ଖଣି ମାଫିଆ । ଗିରଫ ହେଲେ ନଳିଆ କାହାଳସିଂ ଓରଫ ସରୋଜ । ଦୀର୍ଘ 10 ଦିନ ଧରି ଖଣି ମାଫିଆକୁ ଖୋଜୁଥିବା ଏସଟିଏଫ ଟିମ ପରିଶେଷରେ ନଳିଆକୁ ନିଜ ଗାଁ କୁମ୍ଭାରବସ୍ତି, ଉପରସାହି ଖୋର୍ଦ୍ଧାରୁ ଗିରଫ କରିଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଭୁବନେଶ୍ବର
ତେବେ ଏସଟିଏଫ ଖୋଜୁଥିବା ଜାଣି ଆତ୍ମଗୋପନ କରିଥିଲା ନଳିଆ ବୋଲି ଖବର ଜୋର ଧରିଛି । 10 ଦିନ ଧରି ନିଜ ଗାଁର ଜଙ୍ଗଲ ଭିତରେ ମଞ୍ଚା କରି ଲୁଚି ରହିବା ସହ ମୋବାଇଲ ସୁଇଚ ଅଫ କରି ରଖିଥିଲା ନଳିଆ ।
ସାଧା ପୋଷ।କରେ ଏସଟିଏଫ ନଳିଆ ଘର ବାହାରେ ପଇଁତରା ମାରୁଥିବା ଟିମ ଶେଷରେ ଗତକାଲି ସନ୍ଧ୍ୟାରେ ତା ପାଖକୁ ଘରର ଜଣେ ସଦସ୍ୟ ଖାଦ୍ୟ ନେଇଯାଇଥିବା କଥା ଜାଣିବାକୁ ପାଇଥିଲା । ଏହାପରେ ନଳିଆର ମଞ୍ଚା ପାଖରେ ପହଞ୍ଚିଥିଲା ଏସିଟିଏଫ ଟିମ ।