ଭୁବନେଶ୍ବର: ବିଧାୟକ ପଦବୀ ଯିବା ପାଖାପାଖି 6 ମାସ ହୋଇଗଲାଣି । କିନ୍ତୁ ସରକାରୀ କ୍ବାଟର୍ସ ମୋହ ଛାଡୁନାହାଁନ୍ତି ନେତାଏ । ବାରମ୍ବାର ନୋଟିସ ସତ୍ତ୍ବେ ସରକାରୀ କ୍ବାଟର୍ସକୁ ନିଜ ପୈତୃକ ସମ୍ପତ୍ତି ଭାବି କିଛି ପୂର୍ବତନ ବିଧାୟକ ମାନେ ନିଜ ଅଧିନରେ ରଖିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଫଳରେ ନବନିର୍ବାଚିତ ବିଧାୟକ ମାନଙ୍କୁ ସରକାରୀ କ୍ବାଟର୍ସ ଆବଣ୍ଟନରେ ସମସ୍ୟା ଉପୁଜିଛି । ଏହି ପ୍ରସଙ୍ଗରେ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ଶନିବାର ପୁଣି କଡା ଆଭିମୁଖ୍ୟ ଗ୍ରହଣ କରିଛନ୍ତି । 3ଦିନ ମଧ୍ୟରେ ଘର ଖାଲି ନକଲେ ସଂପୃକ୍ତ ପୂର୍ବତନ ବିଧାୟକଙ୍କ ବିରୋଧରେ ଏତଲା ଦିଆଯିବ ବୋଲି ଚେତାବନୀ ଦେଇଛନ୍ତି ।