ନୃଶଂସ ପୁଅ, ମାଆକୁ ହତ୍ୟାକରି ଜାଳିଦେଲା

ସୀମା ଟପିଲା ସନ୍ଦେହ । ଗୁଣିଗାରେଡ଼ି ସଦେହରେ ମାଆକୁ ହତ୍ୟା କଲା ପୁଅ । ଏକ ରେଡିଓରେ ମାଆ ମୁଣ୍ଡକୁ ପିଟି ହତ୍ୟା କରିବା ପରେ ଲୁଗାରେ ନିଆଁ ଲଗାଇ ଜାଳିଦେଲା । ଅଧିକ ପଢ଼ନ୍ତୁ

ଭୁବନେଶ୍ବର:ସୀମା ଟପିଲା ସନ୍ଦେହ । ଗୁଣିଗାରେଡ଼ି ସଦେହରେ ମାଆକୁ ହତ୍ୟା କଲା ପୁଅ । ଏକ ରେଡିଓରେ ମାଆ ମୁଣ୍ଡକୁ ପିଟି ହତ୍ୟା କରିବା ପରେ ଲୁଗାରେ ନିଆଁ ଲଗାଇ ଜାଳିଦେଲା । ଏମିତି ଏକ ଲୋମହର୍ଷଣକାରୀ ହତ୍ୟାକାଣ୍ଡ ଘଟିଛି ରାଜଧାନୀ ବଡ଼ଗଡ଼ ଥାନା କଳିଙ୍ଗ ବସ୍ତିରେ । ଘରୁ ଧୂଆଁ ବାହାରୁଥିବା ଦେଖି ପଡ଼ୋଶୀ ଅଭିଯୁକ୍ତଙ୍କ ଘରେ ପଶିବା ପରେ ଘଟଣା ପଦାକୁ ଆସିଛି ।

ହତ୍ୟାକରି ମାଆକୁ ପୋଡି ଦେବାକୁ ଉଦ୍ୟମ କରୁଥିଲା ସୈତାନ ପୁଅ । ମୃତକ ଜଣକ ସେହି ବସ୍ତିର ୬୨ ବର୍ଷୀୟ ବୃଦ୍ଧା ରଶ୍ମିତା ଜେନା ବୋଲି ଜଣାପଡ଼ିଛି । ସେ ତାଙ୍କ ବଡ଼ ପୁଅ ପ୍ରଶାନ୍ତ ଜେନା ଓ ସ୍ବାମୀଙ୍କ ସହ ରହୁଥିଲେ । ପୁଅ ଅନେକ ସମୟର ନିଶା ସେବନ କରି ମାଆ ଓ ବାପାକୁ ମାରଧର କରୁଥିବା ଜଣାପଡ଼ିଛି ।

ମାଆ କିଛି ଗୁଣି କରି ଖାଇବାକୁ ଦେଉଥିବା ନେଇ ପ୍ରଶାନ୍ତ ଅନେକ ସମୟରେ ସନ୍ଦେହ କରୁଥିଲା । ୩୨ ବର୍ଷୀୟ ଯୁବକ ପ୍ରଶାନ୍ତର ମଧ୍ୟ ମାନସିକ ସ୍ଥିତି ଠକ୍‌ ନଥିବାରୁ ସେ ମଧ୍ୟ ଅନେକ ଉତ୍ପାତ କରିଥାଏ । ୪ବର୍ଷ ପୂର୍ବେ ଯାଜପୁରର ଜଣେ ଝିଅ ସହ ତାର ବିବାହ ଲାଗିଥିବା ବେଳେ ବାହାଘର ଦିନ ପ୍ରଶାନ୍ତ କୁଆଡ଼େ ଫେରାର‌ ହୋଇ ଯାଇଥିଲା । ତେବେ ଏହିପରି ମାନସିକ ସ୍ଥିତି ଯୋଗୁଁ ପ୍ରଶାନ୍ତଠାରୁ ଦୁଇ ସାନ ଭାଇ ଅଲଗା ରହୁଥିଲେ । ତେବେ ମାଆ ତାକୁ ଅନେକ ସମୟରେ ଗୁଣି କରି କିଛି ଖାଇବାକୁ ଦେଉଥିବା ସନ୍ଦେହ କରି ଆଜି ତାକୁ ହତ୍ୟା କରିଥିବା କଥା ପୋଲିସ ଆଗରେ ମାନିଛି ଅଭିଯୁକ୍ତ ପୁଅ ।

ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ