ଭୁବନେଶ୍ବର: ରାଜ୍ୟ ନୁହେଁ କି ଦେଶ ନୁହେଁ, ସାରା ବିଶ୍ବରେ ଆତଙ୍କର ଛାୟା ଖେଳାଇଛି ମହାମାରୀରେ ପରିଣତ ହୋଇଥିବା କୋରୋନା ସଂକ୍ରମଣ। ଏଥିପାଇଁ ମାସ୍କ ଓ ସାନିଟାଇଜର ବ୍ୟବହାର ମଧ୍ୟ ବେଶ ଆବଶ୍ୟକୀୟ ହୋଇପଡିଛି । ଏହିଭଳି ଘଡିସନ୍ଧି ମୁହୂର୍ତ୍ତରେ ଲୋକମାନଙ୍କୁ ବିଭିନ୍ନ ପ୍ରକାରର ସାହାଯ୍ୟ ସହଯୋଗର ହାତ ବଢାଉଛନ୍ତି ଅନେକ ସମାଜସେବୀ । ସେଥିରୁ ଜଣେ ହେଉଛନ୍ତି କଟକ ତେଲେଙ୍ଗା ବଜାରର ଚିନ୍ମୟ ପାତ୍ର ।
ସମାଜସେବୀ ଚିନ୍ମୟ; ପରିବା ଦୋକାନୀଙ୍କୁ ମାଗଣାରେ ବାଣ୍ଟିଲେ ମାସ୍କ
ଚିନ୍ମୟ ମଙ୍ଗଳବାର ଭୁବନେଶ୍ବରସ୍ଥିତ ଏକ ନମ୍ବର ହାଟରେ ପରିବା ଦୋକାନୀମାନଙ୍କୁ ମାସ୍କ ବାଣ୍ଟି ସୃଷ୍ଟି କରିଛନ୍ତି ମାନବିକତାର ନୂଆ ଉଦାହରଣ । ଯେହେତୁ ଏବେ ବଜାରରେ ମାସ୍କର ଅଭାବ ଦେଖା ଦେଇଛି, ଅନେକ ସାଧାରଣ ଲୋକ ଏବଂ ଛୋଟିଆ ବ୍ୟବସାୟଙ୍କ ପାଇଁ ଏହା କିଣିବା କଷ୍ଟକର ହୋଇପଡିଛି । ଏହାକୁ ନଜରରେ ରଖି ଚିନ୍ମୟ ବାହାରୁ ମାସ୍କ ଆଣି ପରିବା ଦୋକାନୀ ଓ ଛୋଟ ଦୋକାନୀମାନଙ୍କୁ ବାଣ୍ଟିଥିବା ଦେଖିବାକୁ ମିଳିଛି ।