ଭୁବନେଶ୍ବର: ବିଧାନସଭା ମୌସୁମୀ ଅଧିବେଶନରେ ଗ୍ରାମ୍ୟ ଉନ୍ନୟନ ରାସ୍ତା ମରାମତିଠୁ ନେଇ ବେକାରୀ ପ୍ରସଙ୍ଗରେ ଆଲୋଚନା ହୋଇଥିଲା । ବିଧାୟକଙ୍କ ପ୍ରଶ୍ନରେ ଉତ୍ତର ରଖିଥିଲେ ବିଭାଗୀୟ ମନ୍ତ୍ରୀ । ସୋସିଆଲ ମିଡିଆ ନ୍ୟୁଜ୍ ଚ୍ୟାନେଲମାନଙ୍କ ବିଧିବଦ୍ଧ ଆଇନ ବିଷୟରେ ମଧ୍ୟ ଆଲେଚନା ହୋଇଥିଲା। ସୋସିଆଲ ମିଡିଆ ନ୍ୟୁଜ୍ ଚ୍ୟାନେଲଙ୍କ ପାଇଁ ବିଧିବଦ୍ଧ ଆଇନ୍ ନେଇ ପ୍ରଶ୍ନ କରିଥିଲେ ବିଧାୟକ ନାଉରୀ ନାୟକ । ପ୍ରଶ୍ନର ଉତ୍ତରରେ ସୂଚନା ଓ ଲୋକ ସମ୍ପର୍କ ବିଭାଗ ମନ୍ତ୍ରୀ ପ୍ରଦୀପ ଅମାତ କହିଛନ୍ତି ସୋସିଆଲ ମିଡିଆ ନ୍ୟୁଜ୍ ଚ୍ୟାନେଲଙ୍କ ପାଇଁ ବିଧିବଦ୍ଧ ଆଇନ୍ ନାହିଁ ।
ରାଜ୍ୟରେ ଏପର୍ଯ୍ୟନ୍ତ ସମୁଦାୟ କେତେଗୋଟି ସୋସିଆଲ ମିଡିଆ ନ୍ୟୁଜ୍ ଚ୍ୟାନେଲ୍ ରାଜ୍ୟ ବା କେନ୍ଦ୍ର ସରକାରଙ୍କ ଠାରୁ ସମ୍ବାଦ ପତ୍ର ପ୍ରସ୍ତୁତି ଏବଂ ପରିବେଷଣ ପାଇଁ ବିଧିବଦ୍ଧ ଅନୁମତି ପାଇଛନ୍ତି । ଏହି ସୋସିଆଲ ମିଡିଆ ନୁଜ୍ ଚ୍ୟାନେଲ ସାମ୍ବାଦିକମାନଙ୍କ ସରକାରୀ କାର୍ଯ୍ୟକ୍ରମ ଗୁଡ଼ିକୁ ନିମନ୍ତ୍ରଣ କରିବାକୁ ବା ନ କରିବାକୁ କୌଣସି ବିଭାଗୀୟ ନିର୍ଦ୍ଦେଶାବଳୀ ଅଛି କି ନାହିଁ ବୋଲି ପ୍ରଶ୍ନ କରିଥିଲେ ବିଧାୟକ ନାଉରୀ ନାୟକ ।