ଭୁବନେଶ୍ବର: ସ୍ମିତାରାଣୀ ମୃତ୍ୟୁ ଘଟଣାରେ ସିବିଆଇ ତଦନ୍ତ, ଗୃହରେ ବିରୋଧୀ ଦଳକୁ ବାଚସ୍ପତିଙ୍କ ଅଣଦେଖା, ଗୃହ ପରିଚଳନା ଆଦି ପ୍ରସଙ୍ଗକୁ ନେଇ ବିଜେପି ବିଧାୟକ ଦଳ ରାଜ୍ୟପାଳଙ୍କ ନିକଟରେ ଫେରାଦ ହୋଇଛି । ଏନେଇ ବିଧାୟକ ଦଳ ପକ୍ଷରୁ ଏକ ସ୍ମାରକପତ୍ର ମଧ୍ୟ ଦିଆଯାଇଛି ।
ଗତ ଦୁଇ ଦିନ ଧରି ବିଜେପିର ବିଧାୟକମାନେ ବିଧାନସଭାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତୀ ତଳେ ଧାରଣା ଦେଇଥିଲେ ମଧ୍ୟ ବାଚସ୍ପତି କିନ୍ତୁ ମୁଖ୍ୟ ବିରୋଧୀ ଦଳର ଅନୁପସ୍ଥିତିରେ ଗୃହକୁ ଚଳାଇଥିଲେ । ଏପରିକି ମୁଖ୍ୟ ବିରୋଧୀ ଦଳର ଅନୁପସ୍ଥିତିରେ ସରକାରୀ ବିଲ ଗୃହରେ ଆଗତ ହୋଇ ପାସ୍ ହୋଇଛି ଓ ବିରୋଧୀ ଦଳ ନେତାଙ୍କୁ ବିଧାନସଭାରେ ବାଚସ୍ପତି ଗୁରୁତ୍ବ ଦେଉନାହାଁନ୍ତି ଆଦି ଅଭିଯୋଗ କରି ବିଜେପି ରାଜ୍ୟପାଳଙ୍କୁ ଭେଟିଛି ।
ଭୁବନେଶ୍ବରରୁ ଅଜିତ ଦାଶ, ଇଟିଭି ଭାରତ