ଭୁବନେଶ୍ବର: ଆଇ ଲଭ ୟୁ କହି ଭୁବନେଶ୍ବରବାସୀଙ୍କ ପାଇଁ ଗୀତ ଗାଇଲେ ବାପ୍ପି ଲହରୀ । ଏଥିସହିତ ଏଠାକାର ଲୋକମାନେ ବହୁତ ଭଲ ବୋଲି କହିଛନ୍ତି ଏହି ଡିସ୍କୋ ଡ୍ୟାନ୍ସ ମ୍ୟୁଜିସିଆନ। ଆଗରୁ ଏକାଧିକ ଥର ଭୁବନେଶ୍ବରରେ ସଙ୍ଗୀତ ପରିବେଷଣ ପାଇଁ ଆସିଛନ୍ତି ଏହି ତାରକା ଗାୟକ।
ମହାଶିବରାତ୍ରୀ ଅବସରରେ ଏକାମ୍ର ସାଂସ୍କୃତିକ ପ୍ରକାଶନି ପକ୍ଷରୁ ପ୍ରତିବର୍ଷ ଭଜନ ସମାରୋହ ଅନୁଷ୍ଠିତ ହୋଇଥାଏ । ଯେଉଁଥିରେ ରାଜ୍ୟ ତଥା ଦେଶର ବିଭିନ୍ନ ନାମୀଦାମୀ କଳାକାରମାନେ ଯୋଗଦେଇ ମହାଦେବଙ୍କ ଉଦ୍ଦେଶ୍ୟରେ ସଙ୍ଗୀତ ପରିବେଷଣ କରିଥାନ୍ତି । ଚଳିତ ବର୍ଷ ବାପ୍ପି ଲହରୀଙ୍କ ସହିତ ଅନ୍ୟତମ ତାରକା ଗାୟିକା ଅନୁରାଧା ପୌଡୱାଲ ଯୋଗ ଦେଇଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
