ଭୁବନେଶ୍ବର: ପୁଣି ଫେରିଲା ରତ୍ନ ଭଣ୍ଡାର ଚାବି ହଜିବା ପ୍ରସଙ୍ଗ । ଜଗନ୍ନାଥଙ୍କ ରତ୍ନ ଭଣ୍ଡାର ଖୋଲି ଅଳଙ୍କାର ହିସାବ ରଖିବାକୁ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ବିରୋଧୀ ଦଳ ନେତା ପ୍ରଦୀପ୍ତ ନାୟକ । ଯାହାକୁ ନେଇ ଜୋର ଧରିଛି ରାଜନୀତି । ରତ୍ନ ଭଣ୍ଡାରରେ ଅଳଙ୍କାର ଅଛି କି ନାହିଁ ତାହା ସାର୍ବଜନୀନ କରିବାକୁ ଜୋର ଧରିଛି ଦାବି ।
ରତ୍ନଭଣ୍ଡାରକୁ ନେଇ ତେଜୁଛି ରାଜନୀତି, ସରକାରଙ୍କୁ ଘେରିଲେ ବିରୋଧି
ଶ୍ରୀମନ୍ଦିରରେ ଥିବା ରତ୍ନଭଣ୍ଡାର ହେଉଛି ପ୍ରଭୁଙ୍କ ସମ୍ପତ୍ତି । ଏହା ହେଉଛି ଓଡିଆ ଜାତିର ଗର୍ବ ଓ ଗୌରବର ଗାଥାର ସାକ୍ଷୀ । ଚାବି ହଜିବା ଘଟଣାକୁ ଏବେ ଦେଢ ବର୍ଷରୁ ଅଧିକ ସମୟ ବିତି ଯାଇଛି । ରତ୍ନଭଣ୍ଡାରରେ ଥିବା କୋଟିକୋଟି ଟଙ୍କା ମୂଲ୍ୟର ଅଳଙ୍କାର ବାସ୍ତବରେ ସୁରକ୍ଷିତ ଅଛି କି ନାହିଁ ତାହା ସାଧାରଣରେ ଯେଉଁ ସନ୍ଦେହ ସୃଷ୍ଟି ହୋଇଥିଲା ତାହା ଆଜିବି ବଳବତ୍ତର ରହିଛି । ମୁଖ୍ୟମନ୍ତ୍ରୀ ତୁରନ୍ତ ଏହାକୁ ଖୋଲି ଯାଞ୍ଚ କରିବା ପାଇଁ ନିର୍ଦ୍ଦେଶ ଦିଅନ୍ତୁ ବୋଲି ଦାବି କରି ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ବିରୋଧୀ ଦଳ ନେତା ପ୍ରଦୀପ୍ତ ନାୟକ ।