ଭୁବନେଶ୍ବର: ଲକଡାଉନ ମାଡରେ ସବୁକିଛି ଘାୟଲ ହୋଇଛି । ସାଧାରଣ ଲୋକଙ୍କଠାରୁ ବେପାରୀ ଯାଏଁ ସମସ୍ତେ ପ୍ରଭାବିତ । ତେବେ ପରସ୍ଥିତି ସାମାନ୍ୟ ସୁଧୁରିବା ପରେ ଏବେ କୋହଳ ହୋଇଛି ଲକଡାଉନ କଟକଣା । ଧିରେ ଧିରେ ଖୋଲୁଛି ସମସ୍ତ ଦୋକାନ ।
ହେଲେ ବଢୁଛି ଦୋକାନୀଙ୍କ ଟେନସନ । ମୁଣ୍ଡରେ ଘର ଭଡାର ଚଡକ । ଏଯାଏଁ ଆରମ୍ଭ ହୋଇନି ବେପାର । ହେଲେ ଆରମ୍ଭ ହୋଇ ଗଲାଣି ଘର ମାଲିକଙ୍କ ଜୁଲମ । ଆଗ ଭଳି ନାହିଁ ଅନେକ ଦୋକାନୀଙ୍କ ବେପାର । ଗ୍ରାହକଙ୍କ ଭିଡ ନଥିବାରୁ ବ୍ୟବସାୟ ଉପରେ ପଡିଛି ପ୍ରଭାବ । ଛୋଟ ପାନ ଦୋକାନୀଠୁ ବଡ ସପିଂ ମଲ ପର୍ଯ୍ୟନ୍ତ ସମସ୍ତେ କ୍ଷତିଗ୍ରସ୍ତ । ମାତ୍ର ବୁଝିବାକୁ ନାରାଜ ଘର ମାଲିକ । ମାଗୁଛନ୍ତି ଘର ଭଡା । ଏହା ହେଉଛି ରାଜଧାନୀ ବ୍ୟବସାୟୀଙ୍କ ଦୁଃଖଦ କାହାଣୀ । କଣ କରିବେ କେଉଁଠୁ ଆଣିବେ ଟଙ୍କା ସେନେଇ ଚିନ୍ତାରେ ବ୍ୟବସାୟୀ ।
ଦୋକାନୀଙ୍କୁ ଲକଡାଉନ ମାଡ: ଆସୁନାହାନ୍ତି ଗ୍ରାହକ. ଭଡା ମାଗୁଛନ୍ତି ମାଲିକ