ଭୁବନେଶ୍ବର: ବରିଷ୍ଠ ଓଡିଆ ସଂଗୀତ ନିର୍ଦ୍ଦେଶକ ଶାନ୍ତନୁ ମହାପାତ୍ର ଫାଉଣ୍ଡେସନ୍ ଆନୁକୂଲ୍ୟରେ ତଥା ଏମ୍.ଜି.ଏମ୍.ଆର.ଏଲ୍ ଫାଉଣ୍ଡେସନ ସହଯୋଗରେ ନଭେମ୍ବରର ୨୨ରେ ଅନୁଷ୍ଠିତ ହେବ ‘ଶାନ୍ତନୁ ଜୟନ୍ତୀ ।’ ଭୁବନେଶ୍ବରସ୍ଥିତ ରବୀନ୍ଦ୍ର ମଣ୍ଡପରେ ଏହି କାର୍ଯ୍ୟକ୍ରମ ଆୟୋଜିତ ହେବ । ଏନେଇ ଫାଉଣ୍ଡେସନର ଅଧ୍ୟକ୍ଷ କୌଶିକ ମହାପାତ୍ର ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି । ମହାନ ସଂଗୀତଜ୍ଞ ତଥା ସଂଗୀତ ନିର୍ଦ୍ଦେଶକ ଡ. ଶାନ୍ତନୁ ମହାପାତ୍ରଙ୍କ ଉଦ୍ଦେଶ୍ୟରେ ଏହା ସମର୍ପିତ । ଏହି ଅବସରରେ ୨ଟି ସ୍ବତନ୍ତ୍ର ସମ୍ବର୍ଦ୍ଧନା ବା ସମ୍ମାନ ପ୍ରଦାନ କରାଯିବ ।
୨୨ରେ ଅନୁଷ୍ଠିତ ହେବ ଶାନ୍ତନୁ ଜୟନ୍ତୀ
ଲୋକପ୍ରିୟ ତଥା ବର୍ଷୀୟାନ କଣ୍ଠଶିଳ୍ପୀ ପ୍ରଣବ କିଶୋର ପଟ୍ଟନାୟକଙ୍କୁ “ଶାନ୍ତନୁ ସମ୍ମାନ ଓ ଚଳଚ୍ଚିତ୍ର ଅଭିନେତା ଏବଂ ସମାଜସେବୀ ସବ୍ୟସାଚୀ ମିଶ୍ରଙ୍କୁ ଏମ୍.ଜି.ଏମ୍.ଆର.ଏଲ୍ ଉତ୍କର୍ଷ ସମ୍ମାନ-୨୦୨୧’’ ପ୍ରଦାନ କରାଯିବ ବୋଲି ଆୟୋଜକମାନେ ଘୋଷଣା କରିଛନ୍ତି ।