ବାଂଲାଦିଦିର ଖେଳ ଖତମ, ସିଲେଇ ଶିଖାଇବା ନାଁରେ ଚଳାଇଥିଲା ବେପାର

ରାଜଧାନୀରେ ହାଇ ପ୍ରୋଫାଇଲ ସେକ୍ସ ରାକେଟ। ବଙ୍ଗୀୟ ଯୁବତୀଙ୍କୁ ନେଇ ଚାଲିଥିଲା ଦେହ ବେପାର। ଲିଙ୍ଗରାଜ ଥାନା ଅଞ୍ଚଳରେ ଏସଟିଏଫ ରେଡ ପରେ ୬ ରୁପଜୀବୀ ଉଦ୍ଧାର । ତେବେ ଶିଲାଇ ଶିଖିବା ନାଁରେ ସେକ୍ସ ରାକେଟ ଚାଲୁଥିବା ଖବର ଲାଗିବା ପରେ ରେଡ କରିଥିଲା ଏସଟିଏଫ ଟିମ।

ଭୁବନେଶ୍ବର: ଦୀର୍ଘଦିନର ଲୁଚକାଳି ଖେଳ ପରେ ଏସଟିଏଫ ହାତରେ ସେକ୍ସ ରାକେଟର କିଙ୍ଗପିନ୍ । ବାଂଲାଦେଶୀ ମହିଳା ଅଞ୍ଜଲି ଦିଦିକୁ ଆଜି ଗିରଫ କରିଛି ଏସଟିଏଫ । ଷ୍ଟେସନ ବଜାରର ଏକ ହୋଟେଲରୁ ବାଂଲାଦେଶୀ ଯୁବତୀ ଧରାପଡିବା ପରେ ଦିଦିକୁ ଧରିବା ପାଇଁ ତନାଘନା ଆରମ୍ଭ କରିଥିଲା ଟିମ୍ । ଆଜି ଲିଙ୍ଗରାଜ ଥାନା ଅଞ୍ଚଳରେ ଏସଟିଏଫ ଚଢାଉ କରି ଦିଦିକୁ ଗିରଫ କରିବା ସହ ତା ସହଯୋଗୀ ଇବ୍ରାହିମକୁ ପିପିଲିରୁ ଗିରଫ କରିଛି । ଚଢାଉରେ 6 ରୂପଜୀବୀଙ୍କୁ ଉଦ୍ଧାର କରିବା ସହ ବହୁ ଆପତ୍ତି ଜନକ ସାମଗ୍ରୀ ଜବତ କରିଛି ଏସଟିଏଫ । ସିଲାଇ ଶିଖାଇବା ନାଁରେ ବଙ୍ଗୀୟ ଯୁବତୀକୁ ନେଇ ଚାଲିଥିଲା ଦେହବେପାର ।

ସୂଚନା ଅନୁସାରେ, ରାକେଟର ମାଷ୍ଟରମାଇଣ୍ଡ ଅଞ୍ଜଲି ଦିଦି, ପିପିଲିରେ ରହି ଫୋନ ଯୋଗେ ଚଳାଉଥିଲା ଏହି କାରବାର। ଏହା ପଛରେ ଥିବା ଦଲାଲ ଇବ୍ରାହିମ ଏସବୁ ଯୁବତୀଙ୍କୁ ନେଇ ବିଭିନ୍ନ ହୋଟେଲ ଓ ଟୁରିଷ୍ଟ ସ୍ପଟକୁ ପଠାଉଥିଲା। ଫୋନ ଯୋଗେ ରେଟ ଛିଣ୍ଡିବା ପରେ ଘଣ୍ଟାକୁ ଓ ଦିନ ପିଛା ପାଖାପାଖି ୧୫ ହଜାର ଟଙ୍କା ପର୍ଯ୍ୟନ୍ତ ଦିନକୁ ବେପାର କରୁଥିଲେ ଦୁଇ ମାଷ୍ଟରମାଇଣ୍ଡ । ତେବେ ଅଞ୍ଜଲି ଦିଦିକୁ ଟ୍ରାକ କରି ଗିରଫ ପରେ ଯୁବତିଙ୍କ ସୁରାକ ପାଇ ରେଡ କରିଥିଲା ଏସଟିଏଫ ଟିମ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ