ଭୁବନେଶ୍ବର: ଓଡିଶାର 7 ଟି ସ୍ଥାନରେ ନିର୍ମାଣ ହେବ ଅକ୍ସିଜେନ ପ୍ଲାଣ୍ଟ । ଏନେଇ ଜାତୀୟ ରାଜପଥ ପ୍ରାଧିକରଣ ବିଭାଗ ଅନୁମତି ପ୍ରଦାନ କିରଛନ୍ତି । କୋରୋନା ଲଢେଇରେ ସବୁଠୁ ବଡ ଅସ୍ତ୍ର ହୋଇଛି ଅମ୍ଲଜାନ ।
ଓଡିଶାରେ ନିର୍ମାଣ ହେବ 7ଟି ଅକ୍ସିଜେନ ପ୍ଲାଣ୍ଟ, ବୌଦ୍ଧରେ ଆରମ୍ଭ ହେଲା କାର୍ଯ୍ୟ ଓଡିଶା ଲୋକଙ୍କ ସୁରକ୍ଷାକୁ ମୋଦି ସରକାରଙ୍କ ପ୍ରାଥମିକତା ଦେଇଛନ୍ତି । ରାଜ୍ୟରେ ପ୍ରତିଷ୍ଟା ହେବ 7 ଟି ଅକ୍ସିଜେନ ପ୍ଲାଣ୍ଟ । ଓଡିଶାର ଭଦ୍ରକ, ବୌଦ୍ଧ, କଟକ, ଗଜପତି, ଝାରସୁଗୁଡା, କୋରାପୁଟ ଓ ନୟାଗଡ଼ ଜିଲ୍ଲାର ୭ଟି ସ୍ଥାନରେ ଅକ୍ସିଜେନ୍ ପ୍ଲାଣ୍ଟ ନିର୍ମାଣ ହେବ। ସୋମବାର ବୌଦ୍ଧ ଜିଲ୍ଲାରେ ଅକ୍ସିଜେନ ପ୍ଲାଣ୍ଟର ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ଏହା ଅଳ୍ପ ଦିନରେ ବୌଦ୍ଧ ଜିଲ୍ଲାର ଲୋକଙ୍କ ପାଇଁ କାର୍ଯ୍ୟକ୍ଷମ ହେବ । ଯାହା ଜିଲ୍ଲାବାସୀଙ୍କ ବେଶ ସହାୟତା କରିବ ବୋଲି ବିଜେପି ରାଜ୍ୟ ବିଜେପି ସଭାପତି ସମୀର ମହାନ୍ତି ସୂଚନା ଦେଇଛନ୍ତି । ରାଜ୍ୟରେ ବିଭିନ୍ନ ରାଷ୍ଚ୍ରାୟତ କମ୍ପାନୀ ଅକ୍ସିଜେନ ପ୍ଲାଣ୍ଟ ଗୁଡିକ ନିର୍ମାଣ କରିବେ ।
ସୂଚନାଥାଉକି ମହାମାରୀ କୋରୋନାର ଦ୍ବିତୀୟ ପର୍ଯ୍ୟାୟରେ ଜୀବନ ରକ୍ଷାକାରୀ ଅମ୍ଲଜାନର ଗୁରୁତ୍ବ ବୃଦ୍ଧି ପାଇଛି । ଦେଶର ସ୍ବାସ୍ଥ୍ୟ ସେବା କ୍ଷେତ୍ରରେ ଦିନକୁ 700 ରୁ 800 ଟନ ଅମ୍ଲଜାନ ଆବଶ୍ୟକତା କରୁଥିଲା ଆଜି କୋରୋନା ମହାମାରୀ ଯୋଗୁଁ ତାହା ଦୈନିକ 3500ରୁ 4000 ଟନ ଅମ୍ଲଜାନ ଆବଶ୍ୟକତା କରୁଛି । ଦେଶରେ ଦିଲ୍ଲୀ ମହାରାଷ୍ଟ୍ରରେ ଅମ୍ଲଜାନର ଘୋର ଅଭାବ ଦେଖାଦେଇଛି । ଅମ୍ଲଜାନ ଅଭାବରୁ ଦେଶରେ ହଜାର ହଜାର ଲୋକେ ପ୍ରାଣ ହରାଇଛନ୍ତି । କୋରୋନା ଲଢେଇରେ ଅମ୍ଲଜାନ ଏକ ଗୁରୁତ୍ବପୂଣ୍ଣ ଭୂମିକା ଗ୍ରହଣ କରିଛି । ଏଭଳି ସ୍ଥିତିରେ ଦେଶର ଅମ୍ଲଜାନ ଆବଶ୍ୟକତାକୁ ଗୁରୁତ୍ବ ଦେଇ କେନ୍ଦ୍ର ସରକାର ଦେଶର ବିଭିନ୍ନ ସ୍ଥାନରେ 551 ଅକ୍ସିଜେନ ପ୍ଲାଣ୍ଟ ନିର୍ମାଣ କରିବା ପାଇଁ ଘୋଷଣା କରିଥିଲେ । ଓଡିଶାର ବିଭିନ୍ନ ଶିଳ୍ପସଂସ୍ଥାରେ ଥିବା ଅମ୍ଲଜାନ ଦେଶରେ କୋରୋନା ଲଢେଇରେ ବେଶ ଗୁରୁତ୍ବପୂର୍ଣ୍ଣ ଭୂମିକ ଗ୍ରହଣ କରିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
