ଭୁବନେଶ୍ବର: ପାହାଳ ଛକ ନିକଟରେ ସିରିଜ ଦୁର୍ଘଟଣା । ପଛକୁ ପଛ ପିଟିହେଲା 407, କଣ୍ଟେନର ଓ ହାଇୱା । ଦୁର୍ଘଟଣାରେ 2 ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ 2 ଜଣ ଗୁରୁତର ଆହତ ହୋଇଥିବା ସୂଚନା ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନା ମୁତାବକ, ଏକ ଲୁହା ବୋଝେଇ କଣ୍ଟେନର କଟକରୁ ଭୁବନେଶ୍ବର ଅଭିମୁଖେ ଆସୁଥିବା ବେଳେ ପାହାଳ ଛକ ନିକଟରେ ଓଲଟି ପଡିଥିବା ଏକ 407 କୁ ଧକ୍କା ଦେଇଥିଲା । ଏହାପରେ ପଛପଟୁ ଆସୁଥିବା ଏକ ଗୋଡି ବୋଝେଇ ହାଇୱା କଣ୍ଟେନରକୁ ଧକ୍କା ଦେଇଥିଲା । ତେବେ ହାଇୱାର ଡ୍ରାଇଭର ଏବଂ ହେଲପର ଘଟଣା ସ୍ଥଳରେ ପ୍ରାଣ ହରାଇଛନ୍ତି । ସେପଟେ 402 ର ଡ୍ରାଇଭର ଓ ହେଲପର ଏହି ଦୁର୍ଘଟଣାରେ ଗୁରୁତର ଭାବେ ଆହତ ହୋଇଛନ୍ତି ।