ଭୁବନେଶ୍ବର: ଚଳିତ ପଞ୍ଚାୟତ ନିର୍ବାଚନରେ ନୂଆ ରାଜନୈତିକ ସମୀକରଣ ସୃଷ୍ଟି ହୋଇଛି। ଶାସକ ଦଳ ବିଜେଡି ସପକ୍ଷରେ ଏକତରଫା ଭାବେ ମତ ଯାଇଥିବା ବେଳେ ବିଜେପି ଧରାଶାୟୀ ହୋଇଛି। ବିଜେପି ଏକ ଜାତୀୟ ଦଳ ହୋଇ ମଧ୍ୟ ତିନି ଅଙ୍କ ଛୁଇଁ ପାରିନାହିଁ ବିଜେପି। ଏ ନେଇ ପ୍ରତିକ୍ରିୟା ରଖି ନିର୍ବାଚନ ଫଳାଫଳକୁ ନେଇ ସେ ବିସ୍ମିତ ନୁହଁନ୍ତି ବୋଲି କହିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର ।
ନିର୍ବାଚନ ଫଳାଫଳକୁ ନେଇ ମୁଁ ବିସ୍ମିତ ନୁହେଁ: ବିଜୟ ମହାପାତ୍ର
ବିରୋଧୀ ଦଳ ମାନଙ୍କ ପାଇଁ ଏହା ଚିନ୍ତାଜନକ ବିଷୟ । ଏହାର ଆତ୍ମସମୀକ୍ଷା କରିବା ଆବଶ୍ୟକ ଅଛି। ଫଳାଫଳକୁ ନେଇ ବିରୋଧୀ ମାନଙ୍କ ପାଇଁ ଏହା ଏକ ସତର୍କ ଘଣ୍ଟି ବୋଲି ସେ କହିଛନ୍ତି । ସେ ଆହୁରି କହିଛନ୍ତି ଯେ ମୁଁ ଦଳୀୟ ମତ ରଖିବାକୁ ଚାହୁଁ ନାହିଁ । ମୁଁ କୌଣସି ଦଳ ପକ୍ଷରୁ ପ୍ରଚାର କରୁନଥିଲି । ପ୍ରଚାରରେ ମୁଁ ଯିବିନାହିଁ ବୋଲି ଘୋଷଣା କରିଥିଲି । ମୋ ସହିତ କେହି ପରାମର୍ଶ କିମ୍ବା ଆଲୋଚନା କରିନାହାନ୍ତି ।