ଭୁବନେଶ୍ବର:ଆସନ୍ତାକାଲି (ସୋମବାର) ଠାରୁ ଆରମ୍ଭ ହେବ ଯୁକ୍ତ ୨ ଦ୍ବିତୀୟ ପର୍ଯ୍ୟାୟ ମୂଲ୍ୟାୟନ (Plus Two Evaluation) । ଉଭୟ ଅଫଲାଇନ ଓ ଅନଲାଇନ ମାଧ୍ୟରେ ହେବ ଖାତାଦେଖା । ଏଥିପାଇଁ ଉଚ୍ଚ ମାଧ୍ୟମିକ ଶିକ୍ଷା ପରିଷଦ (CHSE) ପକ୍ଷରୁ ରାଜ୍ୟରେ ମୋଟ ୧୦୧ ମୂଲ୍ୟାଙ୍କନ କେନ୍ଦ୍ର କରାଯାଇଛି ।
ଅଫଳାଇନ ପାଇଁ ୬୪ଟି ଓ ଅନଲାଇନ ପାଇଁ ୩୭ଟି କେନ୍ଦ୍ର ହୋଇଛି । ଜୁଲାଇ ମାସ ଶେଷ ସପ୍ତାହରେ ଫଳ ପ୍ରକାଶ କରିବା ଲକ୍ଷ୍ୟ ରଖିଛି CHSE । ଏହି ମୂଲ୍ୟାୟନ ଦୁଇଟି ସିଫ୍ଟରେ ଚାଲୁଛି । ପ୍ରଥମ ସିଫ୍ଟରେ 7ଟା 30 ରୁ 12 ଟା 30 ଓ ଦ୍ବିତୀୟ ସିଫ୍ଟରେ 1ଟାରୁ 6 ଟା ପର୍ଯ୍ୟନ୍ତ ଖାତା ମୂଲ୍ୟାୟନ କରୁଛନ୍ତି ଅଧ୍ୟାପକ ।