ଭାଇରାଲ ହେଉଛି ଗଣଶିକ୍ଷା ମନ୍ତ୍ରୀଙ୍କ ଫେକ ଆକାଉଣ୍ଟ

ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସଙ୍କ ଫେକ୍ ଆକାଉଣ୍ଟକୁ ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ଧରିଛି । ହେଲେ ଫେକ୍ ଆକାଉଣ୍ଟକୁ ନେଇ ସୋସିଆଲ ମିଡିଆରେ ପୋଷ୍ଟ କରିବା ସହ ଦୂରେଇ ରହିବାକୁ ମନ୍ତ୍ରୀ ସୂଚନା ଦେଇଛନ୍ତି ।

ଭୁବନେଶ୍ବର: ଗଣଶିକ୍ଷା ମନ୍ତ୍ରୀଙ୍କ ଫେକ୍‌ ଆକାଉଣ୍ଟ । ଫଟୋ ବି ତାଙ୍କର ନା ବି ତାଙ୍କର ହେଲେ ଆଇଡି ଆଉ କାହାର। ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସଙ୍କ ଫେକ ଫେସବୁକ ଆକାଉଣ୍ଟକୁ ନେଇ ସୋସିଆଲ ମିଡିଆରେ ଚାଲିଛି ଜୋରଦାର ଚର୍ଚ୍ଚା।

ଏପରିକି ଅନେକ ଆକାଉଣ୍ଟକୁ ଫ୍ରେଣ୍ଡ ରିକ୍ବେଷ୍ଟ ମଧ୍ୟ ଆସୁଛି । ଅନେକଙ୍କ ଆକାଉଣ୍ଡରେ ଫ୍ରେଣ୍ଡ ଲିଷ୍ଟରେ ବି ଯୋଡି ହୋଇଛି ଏହି ଆକାଉଣ୍ଟ। ହେଲେ ସେହି ଆକାଉଣ୍ଟ ଅସଲି ନୁହେଁ ବୋଲି ନିଜ ଫେସବୁକ ଆକାଉଣ୍ଟରେ ସେୟାର କରି ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ। ଏଥିସହ ଏହି ଆକାଉଣ୍ଟରୁ ଦୂରେଇ ରହିବାକୁ ସେ ଫେସବୁକ ପୋଷ୍ଟ ଜରିଆରେ ସମସ୍ତଙ୍କୁ ନିବେଦନ କରିଛନ୍ତି। ଏନେଇ ସେ ଏସପିଙ୍କ ସହ କଥା ହୋଇଥିବା କହିଛନ୍ତି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ