ନୂଆଦିଲ୍ଲୀ:ଓଡିଶା ପ୍ରଶାସନିକ ନ୍ୟାୟାଧିକରଣ (OAT)କୁ ସମାପ୍ତ କରିବା ନିଷ୍ପତ୍ତିକୁ ଚ୍ୟାଲେଞ୍ଜ କରି ଦାଖଲ ଯାଚିକା ଉପରେ କେନ୍ଦ୍ର ଓ ରାଜ୍ୟ ସରକାରଙ୍କୁ ଜବାବ ମାଗିଛନ୍ତି ସୁପ୍ରିମକୋର୍ଟ । ସୁପ୍ରିମକୋର୍ଟ ଜଷ୍ଟିସ ଏଲ ନାଗେଶ୍ବର ରାୱ, ଜଷ୍ଟିସ ସଞ୍ଜୀବ ଖାନ୍ନା ଓ ଜଷ୍ଟିସ ବି.ଆର ଗାଭଇଙ୍କ ନେତୃତ୍ବାଧିନ ୩ ଜଣିଆ ଖଣ୍ଡପୀଠ କାର୍ମିକ, ସାର୍ବଜନୀନ ଅଭିଯୋଗ ଏବଂ ପେନସନ ମନ୍ତ୍ରଣାଳୟ ସମେତ ଓଡିଶା ରାଜ୍ୟ ସରକାରଙ୍କୁ ନୋଟିସ ଜାରି କରି ୮ ସପ୍ତାହ ମଧ୍ୟରେ ଉତ୍ତର ଦେବାକୁ ନିର୍ଦ୍ଦେଶ ଦେଇଛନ୍ତି ।
ଓଡିଶା ପ୍ରଶାସନିକ ନ୍ୟାୟାଧିକରଣ ବାର୍ ଆସୋସିଏସନ ପକ୍ଷରୁ ହାଇକୋର୍ଟଙ୍କ ଏକ ଆଦେଶକୁ ଚ୍ୟାଲେଞ୍ଜ କରି ଦାଖଲ ଯାଚିକା ଉପରେ ବୁଧବାର ଶୁଣାଣି କରିଥିଲେ ସୁପ୍ରିମକୋର୍ଟ । ତେବେ ପ୍ରକାଶ ଯେ, ଶୁଣାଣିରେ ହାଇକୋର୍ଟ, ଓଏଟିକୁ ରଦ୍ଦ କରିବା ସମ୍ବନ୍ଧୀୟ କେନ୍ଦ୍ର ସରକାରଙ୍କ କାର୍ମିକ ଏବଂ ପ୍ରଶିକ୍ଷଣ ବିଭାଗର ୨ ଅଗଷ୍ଟ ୨୦୧୯ ଅଧିସୂଚନାକୁ କାଏମ ରଖିଥିଲେ ।
ହାଇକୋର୍ଟ ନିଜ ଆଦେଶରେ କହିଥିଲେ ଯେ ରାଜ୍ୟ ସରକାରଙ୍କ ଏହି ଦୃଷ୍ଟିକୋଣର ସମର୍ଥନ କରିବା ପାଇଁ ପର୍ଯ୍ୟାପ୍ତ ସାମଗ୍ରୀ ହେଉଛି ଯେ ଓଏଟି ତ୍ବରିତ ନ୍ୟାୟ ଦେବା ଉଦ୍ଦେଶ୍ୟରେ ଆବଶ୍ୟକତା ପୁରଣ କରିନାହିଁ । ଆବେଦନରେ ଦର୍ଶାଯାଇଛି ଯେ ସାମାନ୍ୟ ଉପନିୟମ ଆକ୍ଟ, 1897 (GCA)ର ଧାରା 21କୁ ଚ୍ୟାଲେଞ୍ଜ କରି OAT ରଦ୍ଦ କରିବାକୁ ଅଧିସୂଚନା ଜାରି କରିଥିଲା କେନ୍ଦ୍ର । ସେତେବେଳେ ମୂଳ ଅଧିନିୟମ ଅର୍ଥାତ୍ ଆଡମିନିଷ୍ଟ୍ରେଟିଭ୍ ଟ୍ରିବ୍ୟୁନାଲ୍ ଆକ୍ଟ, 1985 (ଏଟି ଆକ୍ଟ) ଏପରି କ୍ଷମତାର ପ୍ରୟୋଗକୁ ପ୍ରତ୍ୟାଖ୍ୟାନ କରିଥିଲେ ।
ଏହି ଆବେଦନରେ ଆହୁରି ମଧ୍ୟ କୁହାଯାଇଛି ଯେ, ବର୍ତ୍ତମାନ ପରିସ୍ଥିତିରେ, ଜିସିଏ ଧାରା 21କୁ ପରୋକ୍ଷରେ ଏପରି କରିବାକୁ କୁହାଯାଇପାରିବ ନାହିଁ, ଯାହା ଏଟି ଆକ୍ଟ ଅନୁଯାୟୀ ସିଧାସଳଖ ନିଷେଧ ଥିଲା । ସରକାରଙ୍କ ବେଆଇନ ତଥା ମନମୁଖୀ ନିଷ୍ପତ୍ତିକୁ ସମର୍ଥନ କରି OAT ରଦ୍ଦ କରିବା ଉଚିତ ବୋଲି ଆବେଦନରେ ଦର୍ଶାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
