ଭୁବନେଶ୍ବର: ରାଜସ୍ବ ଅନୁପାତରେ ରେଳ ବଜେଟ୍ ଅନୁଦାନ ପାଇନାହୁଁ । ସେହିପରି ରେଳ ବିଭାଗ ଯେଉଁ ଭାବରେ ରେଳ ଡିଭିଜନ କରିବା କଥା ସେହି ହିସାବରେ କେନ୍ଦ୍ର ସରକାର ଆମକୁ ସହଯୋଗ କରି ନାହାଁନ୍ତି । ଆଜି ଏନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ବିଜେଡି ବିଧାୟକ ଶଶୀ ଭୂଷଣ ବେହେରା ।
ରାଜସ୍ବ ଅନୁପାତରେ ରେଳ ବଜେଟ୍ ଅନୁଦାନ ମିଳିନି: ଶଶୀ ଭୂଷଣ ବେହେରା
ସେହିଭଳି ରେଳ ଲାଇନ ବିଛେଇବାରେ ସର୍ବ ଭାରତୀୟ ସ୍ତର ସହିତ ସମାନ ଅବସ୍ଥାକୁ ଆସି ପାରିନୁ ଓଡିଶା ବୋଲି ବିଧାୟକ ବେହେରା କହିଛନ୍ତି । ଏଥିସହ ଅନେକ ଜିଲ୍ଲାକୁ ଏପର୍ଯ୍ୟନ୍ତ ରେଳ ସଂଯୋଗ ହୋଇ ପାରିନାହିଁ ।
ରେଳ କରିଡର, ଇଣ୍ଡଷ୍ଟ୍ରିଆଲ କରିଡର ହୋଇନାହିଁ । ଅନ୍ୟପଟେ ବନ୍ଦର ଗୁଡିକୁ ରେଳ ସଂଯୋଗ ମଧ୍ୟ ହୋଇପାରି ନାହିଁ । ଉପକୂଳ ଓଡିଶାର ବନ୍ଦର ସହିତ ରେଳ ଲାଇନ ସଂଯୋଗ ହେଲେ ଅର୍ଥନୈତିକ ବିକାଶ ହୁଅନ୍ତା ବୋଲି ଶଶୀ ଭୂଷଣ ବେହେରା କହିଛନ୍ତି ।