ଭୁବନେଶ୍ବର: ଖୋଲିବ ଖୋର୍ଦ୍ଧା ସାରୁଅ ଜମି ଦୁର୍ନୀତି ଘଟଣାର ଗୁମର। ଖୋର୍ଦ୍ଧା ଜିଲ୍ଲା ଦୌରାଜଜରେ ହେବ ଗୁରୁତ୍ବପୁର୍ଣ୍ଣ ରାୟ। କ୍ରାଇମବ୍ରାଞ୍ଚ ଦ୍ବାରା ଗିରଫ ହୋଇଥିବା ଓଡିଶା ଇନ୍ଫ୍ରାଟେକର ପୂର୍ବତନ ନିର୍ଦ୍ଦେଶକ ମନୋରଞ୍ଜନ ଷଡଙ୍ଗୀଙ୍କ ଜାମିନରେ ରାୟ ଦେବା ପୂର୍ବରୁ ଅଭିଯୋଗକାରୀଙ୍କ ବୟାନ ଶୁଣିବାକୁ ଚାହିଁଛନ୍ତି କୋର୍ଟ । ଯାହାକୁ ନେଇ ସିଧାସଳଖ ଏହି ଦୁର୍ନୀତିର ପେଡି ଖୋଲିବ ବୋଲି କୁହାଯାଉଛି ।
କିଭଳି ଦଳିତଙ୍କ ଜମି କିଣାରେ ଦୁର୍ନୀତି କରାଯାଇଛି। ତାହା ଅଭିଯୋଗକାରୀଙ୍କ ମୁହଁରୁ ଶୁଣିବେ କୋର୍ଟ । ଏନେଇ ଆଜି 22 ଜଣ ଜମି ମାଲିକଙ୍କ ମଧ୍ୟରୁ 14 ଜଣ କୋର୍ଟରେ ପହଞ୍ଚିଛନ୍ତି । ଅନ୍ୟମାନଙ୍କ ମଧ୍ୟରୁ କେତେ ଜଣ ମୃତ୍ୟୁବରଣ କରିଥିବାବେଳେ ଆଉ କେତେ ଜଣ ଶଯ୍ୟାଶାୟୀ ଅଛନ୍ତି ।