ଭୁବନେଶ୍ବର: ନକଲି ଔଷଧ କରବାର ବରଦାସ୍ତ କରାଯିବ ନାହିଁ । ଏପରି କରୁଥିବା ବ୍ୟକ୍ତିଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ସ୍ଵାସ୍ଥ୍ୟ ମନ୍ତ୍ରୀ ନବକିଶୋର ଦାସ । ଏ ସମ୍ପର୍କରେ ଅଭିଯୋଗ ହେବା ପରେ ଡ୍ରଗସ୍ କଣ୍ଟ୍ରୋଲର ପକ୍ଷରୁ ଚଢାଉ କରାଯାଇଛି ।
ନକଲି ଔଷଧ ବିକ୍ରି ବରଦାସ୍ତ କରାଯିବନି: ସ୍ଵାସ୍ଥ୍ୟ ମନ୍ତ୍ରୀ
ଶିବ ପ୍ରସାଦ ଜେନାଙ୍କ ଦୋକାନରେ ଚଢାଉ କରାଯାଇଛି ବୋଲି ମନ୍ତ୍ରୀ କହିଛନ୍ତି । ଚଢାଉରେ ନକଲି ଥଣ୍ଡା, ଜ୍ବର ଏବଂ ଫାବିପିରାଭିର୍ ମେଡିସିନ ଜବତ କରାଯାଇଛି । ଏହାକୁ କୋଲକତାକୁ ଯାଞ୍ଚ ପାଇଁ ପଠାଯାଇଛି । ପୋଲିସ ଓ ସ୍ଵାସ୍ଥ୍ୟ ବିଭାଗ ଏନେଇ ଯାଞ୍ଚ ପ୍ରକ୍ରିୟା ଜାରିରଖିଛି । ଯିଏ ବି ଦୋଷୀ ସାବ୍ୟସ୍ଥ ହେବ ତାଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନବ ଦାସ କହିଛନ୍ତି ।