ଭୁବନେଶ୍ବର: ମହିଳା ସାମ୍ବାଦିକାଙ୍କୁ ଆକ୍ରମଣକୁ ନିନ୍ଦା କରି ପ୍ରତିବାଦ କରିଛି ଓଡିଶା ସୂଚନା ଅଧିକାର । ସମ୍ପୃକ୍ତ ମଲ୍ ର କର୍ମଚାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରାଯାଇଛି । ଏହାସହ ଭୁବନେଶ୍ବରରେ ବେଆଇନ ଭାବରେ ଆଦାୟ କରାଯାଉଥିବା ପାର୍କିଂ ଫି ଘଟଣାର ଉଚ୍ଚସ୍ତରୀୟ ତଦନ୍ତ କରିବାକୁ ଦାବି କରାଯାଇଛି ।
ଭୁବନେଶ୍ବରରେ ଅନେକ ସ୍ଥାନରେ ବେଆଇନ ଭାବେ ଆଦାୟ କରାଯାଉଥିବା ଏହି ରାଶି ପଛରେ ରାଜନୈତିକ ଓ ବହୁ ଘରୋଇ ଲୋକଙ୍କ ହାତ ରହିଛି । ଫଳରେ ସରକାରଙ୍କ ରାଜକୋଷ ପରିବର୍ତ୍ତେ ସେମାନେ ମାଲାମାଲ ହେଉଥିବାର ଅଭିଯୋଗ କରିଛନ୍ତି । ସାମ୍ବାଦିକଙ୍କ ଭଳି ରାଜ୍ୟରେ ମାନବାଧିକାର କର୍ମୀ ଓ ସୂଚନାଅଧିକାର କର୍ମୀମାନଙ୍କ ଉପରେ ଆକ୍ରମଣ ମଧ୍ୟ ରାଜ୍ୟରେ ବୃଦ୍ଧି ପାଉଥିବାବେଳେ ସେମାନଙ୍କ ସୁରକ୍ଷା ନିମନ୍ତେ ସରକାର ସ୍ବତନ୍ତ୍ର ଆଇନ ଆଣିବାକୁ ଏନେଇ ସାମ୍ବାଦିକ ସମ୍ମିଳନୀରେ କର୍ମକର୍ତ୍ତାମାନେ ଦାବି କରିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
