ଭୁବନେଶ୍ବର: ରେଳଷ୍ଟେସନରେ ରୋଡ ରୋମିଓଙ୍କ ଉନ୍ମତ୍ତ କାଣ୍ଡ । ଯୁବତୀଙ୍କୁ କମେଣ୍ଟ ମାରିଲେ । ଅଶାଳୀନ ଭାଷାରେ ଗାଳି ଗୁଲଜ କଲେ । ପାଟି କରିବାରୁ ଯୁବତୀଙ୍କୁ ମାଡ ମାରିବାକୁ ମଧ୍ୟ ଉଦ୍ୟମ କଲେ । ଆଉ ପ୍ରତିରକ୍ଷା ପାଇଁ ରୋଡ ରୋମିଓକୁ ଉଚିତ୍ ଜବାବ ଦେଇଛନ୍ତି ଯୁବତୀ । କିଛି ସମୟ ପାଇଁ ରେଳଷ୍ଟେସନରେ ଦେଖିବାକୁ ମିଳିଥିବା ଏଭଳି ଘଟଣା । ଆଉ ଆଶ୍ଚର୍ଯ୍ୟକର ଘଟଣା ହେଉଛି ଖବର ପାଇ ଜିଆରପି ପୋଲିସ ପହଞ୍ଚି ଥିଲେ, ହେଲେ ଏହାକୁ ନିତିଦିନିଆ ଘଟଣା କହି ଚାଲିଯାଇଥିଲା ।
ଅସୁରକ୍ଷିତ ରେଳଷ୍ଟେସନ
ପୁରା ଘଟଣା ଏମିତି, ସମୟ ପାଖାପାଖି ଦିନ ୧୨ଟା ୩୦ । ଷ୍ଟେସନର ମୁଖ୍ୟ ପ୍ରବେଶ ପଥର ବାମ ପାର୍ଶରେ ଥିବା ଏଟିଏମ ସାମ୍ନାରେ ଜଣେ ଯୁବତୀ ଅପେକ୍ଷା କରିଥିଲେ । ଏହି ସମୟରେ ହଠାତ୍ ଜଣେ ୨୦ ବର୍ଷିୟ ଯୁବକ ତାଙ୍କୁ ଦୁର୍ବ୍ୟବହାର କରିଥିଲେ । ଏପରିକି ଯୁବତୀ ଜଣକ ଚିତ୍କାର କରିବାରୁ ଯୁବକ ଜଣକ ତାଙ୍କୁ ମାଡ ମାରିବାକୁ ଉଦ୍ୟମ କରିଥିଲେ ।