ଭୁବନେଶ୍ବର: ରାଜ୍ୟରେ ଦୁଇଟି ଉପନିର୍ବାଚନରେ ଶେଷ ହୋଇଛି ମତ ଗଣନା । ଉଭୟ ଆସନରେ ବାଜିମାତ କରିଛନ୍ତି ବିଜେଡି ପ୍ରାର୍ଥୀ । ତିର୍ତ୍ତୋଲ ବିଧାନସଭା ଉପ ନିର୍ବାଚନରେ ନିଜ ଗଡରେ ବିଜୟ ବଜାୟ ରଖିବାରେ ସଫଳ ହୋଇଛି ବିଜେଡି । ଉପନିର୍ବାଚନରେ ଦଳୀୟ ପ୍ରାର୍ଥୀ ବିଜୟ ଦାସ ତାଙ୍କ ନିକଟତ ପ୍ରତିଦ୍ବନ୍ଦୀ ରାଜକିଶୋର ବେହେରାଙ୍କୁ ୪୦ ହଜାର 697 ଭୋଟରେ ପରାସ୍ତ କରିଛନ୍ତି । ବିଜେଡି ପ୍ରାର୍ଥୀ ବିଜୟ ମୋଟ 88310 ଭୋଟ ପାଇଛନ୍ତି ।
ରାଜକିଶୋର ବେହେରା 46607 ଓ କଂଗ୍ରେସ ପ୍ରାର୍ଥୀ 28778 ଭୋଟ ପାଇଛନ୍ତି । ୨୦୧୯ ନିର୍ବାଚନରେ ଏଠାରେ ବିଜେଡି ୯୩ ହଜାର ୭୭୪ ଭୋଟ ପାଇଥିଲା ।
ବାଲେଶ୍ବର ଓ ତିର୍ତ୍ତୋଲ ଉପନିର୍ବାଚନ ଫଳଫଳ ଘୋଷଣା କଲେ EC
ସେହିପରି ସଦର ଉପନିର୍ବାଚନରେ ବାଜିଗର ହୋଇଛନ୍ତି ବିଜେଡି ପ୍ରାର୍ଥୀ ସ୍ବରୂପ ଦାସ । 25 ରାଉଣ୍ଡ ଗଣତି ପରେ ସ୍ବରୂପ ସମୁଦାୟ 82,810 ଖଣ୍ଡ ଭୋଟ ପାଇଥିବା ବେଳେ ତାଙ୍କ ନିକଟତମ ପ୍ରତିଦ୍ବନ୍ଦୀ ବିଜେପି ପ୍ରାର୍ଥୀ ମାନସ ଦତ୍ତଙ୍କୁ 13, 395 ଖଣ୍ଡ ଭୋଟରେ ହରାଇ ସଦର ନିର୍ବାଚନ ମଣ୍ଡଳୀ ଦଖଲ କରିଛନ୍ତି ।