ଭୁବନେଶ୍ବର: କୋଭିଡ ମହାମାରୀକୁ ଦୃଷ୍ଟିରେ ରଖି ରାଜ୍ୟ ସରକାର ଡଙ୍ଗା ଭସା ବା ବୋଇତ ବନ୍ଦାଣରେ ରୋକ ଲଗାଇଛନ୍ତି । ଏହାସହ ଦେବାଳୟକୁ ମଧ୍ୟ ନ ଯିବାକୁ ଲୋକଙ୍କୁ ବାରଣ କରାଯାଇଛି । ତେବେ ଏହାକୁ କଡାକଡି ଭାବେ ପାଳନ କରିବାକୁ କମିଶନରେଟ ପୋଲିସ ନେଇଛି ସ୍ବତନ୍ତ୍ର ପଦକ୍ଷେପ । ଏଥିପାଇଁ ରାଜଧାନୀର ବିଭିନ୍ନ ନଦୀ ଘାଟରେ ଜଗିବ କମିଶନରେଟ ପୋଲିସ । ଏଣୁ କାର୍ତ୍ତିକ ପୂର୍ଣ୍ଣିମାରେ ଜନସାଧାରଣ ଡଙ୍ଗା ଭସାଇବା ପାଇଁ ଜଳାଶୟକୁ ନ ଆସିବାକୁ ସତର୍କ କରାଯାଇଛି ।
ଡଙ୍ଗା ଭସା ଉପରେ ରୋକ, ଅନ୍ଧାରରେ ଆସିଲେ ଘାଟରେ ଓଗାଳିବ ପୋଲିସ କାର୍ତ୍ତିକ ପୂର୍ଣ୍ଣିମା ଅବସରରେ ଲୋକମାନେ ପାହାନ୍ତିଆରୁ ଉଠି ବିଭିନ୍ନ ଜଳାଶୟରେ ଡଙ୍ଗା ଭସାଇଥାନ୍ତି ଏବଂ ମନ୍ଦିର ଯାଇଥାନ୍ତି । ହେଲେ ଚଳିତ ବର୍ଷ କୋଭିଡ ପାଇଁ ଏହା ଉପରେ ନିଷେଧାଦେଶ ଲଗାଇଛନ୍ତି ସରକାର । ସରକାରଙ୍କ ନିର୍ଦ୍ଦେଶକୁ ପାଳନ କରି ବିଭିନ୍ନ ଜଳାଶୟ ନିକଟରେ ବ୍ୟାପକ ପୋଲିସ ଫୋର୍ସ ମୁତୟତ ପାଇଁ ଆୟୋଜନ ହୋଇଛି । ସମସ୍ତଙ୍କୁ କଟକଣା ମାନିବାକୁ ଭୁବନେଶ୍ବର ଡିସିପି ନିବେଦନ କରିଛନ୍ତି । ତେବେ ନିୟମ ଉଲଙ୍ଘନ କଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ବୋଲି ସ୍ପଷ୍ଟ କରିଛନ୍ତି ଡିସିପି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
