ଭୁବନେଶ୍ବର: ଓଡ଼ିଶାର ସମୃଦ୍ଧ କଳା ନୈପୁଣ୍ୟର ପ୍ରଚାର ଓ ପ୍ରସାର କରିବା ସହ ଶିଳ୍ପୀ ଓ କାରୀଗରମାନଙ୍କୁ ସେମାନଙ୍କ କଳାର ଉଚିତ ପ୍ରଦର୍ଶନ କରିବା ଓ ତାହା ମଧ୍ୟରୁ କିଛି ଉପାର୍ଜନ କରିବା ନିମିତ୍ତ 2002 ମସିହାରେ ରାଜଧାନୀର ଛାତି ଉପରେ ଗଢି ଉଠିଥିଲା ଏକାମ୍ରହାଟ। ଯାହାକୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିଥିଲେ ।
ଚିନ୍ତାରେ ଏକାମ୍ରହାଟର ଶିଳ୍ପୀ ଓ କାରୀଗର
ମାତ୍ର ଏବେ ଏକାମ୍ର ହାଟର ନବୀକରଣ ନାଁରେ ଚଳିତମାସ 3 ତାରିଖ ସୁଦ୍ଧା ଖାଲି କରିବାକୁ ହସ୍ତଶିଳ୍ପ ବିଭାଗ ପକ୍ଷରୁ ନୋଟିସ ମରାଯାଇଛି । ଯାହାକୁ ନେଇ ଏଠାରେ ରହୁଥିବା ଶିଳ୍ପୀ ଓ କାରୀଗର ଚିନ୍ତାରେ । କେବଳ ଏତିକି ନୁହେଁ ଗତ ମାସ 31 ତାରିଖରୁ ବିଦ୍ୟୁତ ଓ ପାଣି ସେବା ବନ୍ଦ କରାଯାଇଛି ।