ଭୁବନେଶ୍ବର: ଓଡିଶାର ୬ ସ୍ବାଧୀନତା ସଂଗ୍ରାମୀଙ୍କ ନାମରେ ଉନ୍ମୋଚନ ହେଲା ଡାକ ଲଫାପା । କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ଓ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଉନ୍ମୋଚନ କରିଛନ୍ତି । ସ୍ବାଧୀନତାର ୭୫ତମ ବର୍ଷ ପାଳନ ଅବସରରେ ସ୍ବତନ୍ତ୍ର ଲଫାପା ଉନ୍ମୋଚନ କରାଯାଇଛି ।
ଆଜାଦି କା ଅମୃତ ମହୋତ୍ସବର ଏକ ଅଂଶ ସ୍ବରୂପ ଭାରତୀୟ ଡାକ ବିଭାଗ ଦେଶର ସ୍ଵାଧୀନତା ସଂଗ୍ରାମରେ ମହତ ଅବଦାନ ଥିବା 6 ଜଣ ଓଡିଆ ସ୍ବାଧୀନତା ସଂଗ୍ରାମୀଙ୍କ ନାମରେ ଡାକ ଲଫାପା ଉନ୍ମୋଚନ କରିଛି । ଓଡିଶାର ବିଶିଷ୍ଟ ସ୍ବାଧୀନତା ସଂଗ୍ରାମୀ ବକ୍ସି ଜଗବନ୍ଧୁ , ଶହୀଦ ଜୟୀ ରାଜଗୁରୁ, ଶହୀଦ ଚାଖି ଖୁଣ୍ଟିଆ, ଶହୀଦ ଚକରା ବିଷୋୟୀ, ବାଜି ରାଉତ ଏବଂ ପାର୍ବତୀ ଗିରିଙ୍କ ଉପରେ 103ଟି ସ୍ଵତନ୍ତ୍ର ଲଫାପା ଉନ୍ମୋଚନ କରାଯାଉଛି । ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ସଂଚାର ମନ୍ତ୍ରୀ ଅଶ୍ଵିନୀ ବୈଷ୍ଣବଙ୍କ ଦ୍ଵାରା ନୂଆଦିଲ୍ଲୀସ୍ଥିତ ଡାକ ଭବନରେ ଭିଡ଼ିଓ କନଫରେନ୍ସ ମାଧ୍ୟମରେ ଉନ୍ମୋଚନ କରାଯାଇଛି । ଏହି କାର୍ଯ୍ୟକ୍ରମ ମାଧ୍ୟମରେ ଡାକ ଭବନ ଦିଲ୍ଲୀ ସହ ମୁଖ୍ୟ ଡାକ ବିଭାଗ ଓଡ଼ିଶା , ପୁରୀ ଡାକବିଭାଗ , ଢେଙ୍କାନାଳ ଡାକବିଭାଗ , ବ୍ରହ୍ମଗିରି ଡାକବିଭାଗ , ଆସ୍କା ଡାକ ବିଭାଗ ଭିଡ଼ିଓ କନଫରେନ୍ସ ମାଧ୍ୟମରେ ସେହି ଅଞ୍ଚଳଗୁଡ଼ିକର ଡାକ ବିଭାଗ ଯୋଡ଼ି ହେବା ସହ ଶହୀଦ ପରିବାର ସଦସ୍ୟଙ୍କୁ ସମ୍ବର୍ଦ୍ଧନା କରାଯାଇଥିଲା ।