ଭୁବନେଶ୍ବର:ବାତ୍ୟା ପରେ ବଦଳୁଛି ପାଗ, ହଟିଲା ବାତ୍ୟା ଓ୍ବାର୍ଣ୍ଣିଂ । ଆଗକୁ ରାଜ୍ୟରେ ବଢିବ ଶୀତ । ଏନେଇ ଆଞ୍ଚଳିକ ପାଣିପାଗ କେନ୍ଦ୍ର ଭୁବନେଶ୍ବର (Regional metrological center bhubaneswar) ନିର୍ଦ୍ଦେଶକ ଏଚ ଆର ବିଶ୍ବାସ ସୂଚନା ଦେଇଛନ୍ତି । ବାତ୍ୟା ଫେରିଯାଇଥିବାବେଳେ ବର୍ତ୍ତମାନ ଆଗକୁ ଶୀତର ପ୍ରକୋପ ବଢିବ ।
Weather Update: ହଟିଲା ଓ୍ବାର୍ଣ୍ଣିଂ, ଫେରିବ ଶୀତ
ସୋମବାର ଉପକୂଳ ତଥା ତତସଂଲଗ୍ନ ଜିଲ୍ଲା ଗୁଡିକରେ ପାଗ ମେଘୁଆ ରହିଛି। ଆସନ୍ତା ୨୪ ଘଣ୍ଟାରେ ଉତ୍ତର ଉପକୂଳ ଓଡ଼ିଶାର କିଛି ସ୍ଥାନରେ ହାଲୁକା ବର୍ଷା ସମ୍ଭାବନା ରହିଛି। ତେବେ ରାଜ୍ୟରୁ ବାତ୍ୟା ଜନିତ ସମସ୍ତ ସତର୍କ ସୂଚନା ହଟାଇ ଦିଆଯାଇଛି। ଏହା ସହ ଆସନ୍ତାକାଲିଠାରୁ ରାଜ୍ୟରେ ପାଗ ପ୍ରାୟତଃ ଶୁଖିଲା ରହିବ। ଏହା ସହ ଆଜି ଠାରୁ ୩ ରୁ ୪ ଡ଼ିଗ୍ରୀ ଯାଏଁ ତଳକୁ ଖସିବ ରାତ୍ରି ତାପମାତ୍ରା ଏବଂ ସ୍ବାଭାବିକ ହେବ ଶୀତ। ସେପଟେ ଆଜି ସକାଳ ୫.୩୦ ସମୟରେ ଅବପାତ ଦୁର୍ବଳ ହୋଇ ଏକ ସଦୃଶ୍ୟ ଲଘୁଚାପ କ୍ଷେତ୍ରରେ ପରିଣତ ହୋଇଛି।