ଭୁବନେଶ୍ବର:ରେଳ ବଜେଟକୁ ନେଇ କେନ୍ଦ୍ର ଉପରେ ଖପ୍ପା ପରିବହନ ମନ୍ତ୍ରୀ ପଦ୍ମନାଭ ବେହେରା । ରାଜ୍ୟ ତରଫରୁ 7 ହଜାର 200 କୋଟି ଟଙ୍କା ଦାବି ହୋଇଥିଲା ବେଳେ ମିଳିଛି କିନ୍ତୁ 5528 କୋଟି ଟଙ୍କା । ସେଥିରୁ ପୁରୁଣା ଖୋର୍ଦ୍ଧା ବଲାଙ୍ଗୀର ପାଇଁ 500 କୋଟି ଟଙ୍କା ରହିଛି । ରେଳ ବଜେଟ ଆମ ପାଇଁ ସମ୍ପୂର୍ଣ୍ଣ ନୈରାଶ୍ୟ ଜନକ ବଜେଟ ବୋଲି କହିଛନ୍ତି ମନ୍ତ୍ରୀ ପଦ୍ମନାଭ ବେହେରା
ସୂଚନାଯୋଗ୍ୟ, 2009ରୁ 2014 ମସିହା ମଧ୍ୟରେ ଓଡିଶା ରେଳ ପ୍ରକଳ୍ପ ପାଇଁ ହାରାହାରି 838 କୋଟି ଟଙ୍କା ଆସିଥିବାବେଳେ 2021-22 5528 କୋଟି ମିଳିଛି । ଯାହାକି 560 ପ୍ରତିଶତ ଅଧିକ ବୋଲି ଟ୍ବିଟ କରି କହିଛନ୍ତି ରେଳମନ୍ତ୍ରୀ ପୀୟୁଷ ଗୋଏଲ । ତେବେ ନୂଆରେଳପଥ, ଗେଜ୍ ପରିବର୍ତ୍ତନ ଓ ଦୋହରିକରଣ ଭଳି 39ଟି ପ୍ରକଳ୍ପ ପାଇଁ ସରକାର 61,949 କୋଟି ଖର୍ଚ୍ଚ କରିବେ । ଏଥିରେ 4877 କିଲୋମିଟର ରେଳପଥ ବିଛାଯିବ ବୋଲି ଜଣାପଡିଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ