ଭୁବନେଶ୍ବର : ରାଜ୍ୟରେ ପୁଣି କାୟା ବିସ୍ତାର କଲାଣି କୋରୋନା ସଂକ୍ରମଣ, ଯାହା ସରକାରଙ୍କ ପାଇଁ ମୁଣ୍ଡବିନ୍ଧାର କାରଣ । ରାଜ୍ୟରେ 3 ଜଣଙ୍କ ମଧ୍ୟରେ ୟୁକେ ଷ୍ଟ୍ରେନ ଦେଖିବାକୁ ମିଳିଥିବା ବେଳେ ବର୍ତ୍ତମାନ କୋରୋନା ସଂକ୍ରମିତଙ୍କ ସଂଖ୍ୟା 200 ପାର୍ କଲାଣି । ତେବେ ଯେ ପର୍ଯ୍ୟନ୍ତ ଜିନୋମ୍ ସିକ୍ବେନ୍ସ ନ କରାଯାଇଛି ସେ ଯାଏଁ କିଛି କରି ହେବନି ବୋଲି କହିଛନ୍ତି ଆଇଏଲଏସ ନିର୍ଦ୍ଦେଶକ ।
ଓଡିଶାକୁ ଆସିନି ମହାରଷ୍ଟ୍ର-ପଞ୍ଜାବ ଷ୍ଟ୍ରେନ, ଚାଲିଛି ଜିନୋମ୍ ସିକ୍ବେନ୍ସିଂ
ଡିସେମ୍ବରରେ ହୋଇଥିବା ପରୀକ୍ଷା ପୁଣେରେ କରାଯାଇଥିଲା । ଏହାପରେ ସମସ୍ତ ଟେଷ୍ଟ ଆଇଏଲଏସରେ କରାଯାଉଛି । 250 ସାମ୍ପୁଲ ର ଜିନୋମ ସିକ୍ବେନ୍ସ ଚାଲିଛି। ରିପୋର୍ଟ ଆସିବା ପରେ କେଉଁ ଜିନୋମ୍ ବୋଲି କହିହେବ। ବାହାର ରାଜ୍ୟରୁ ଫେରିଥିବା ପଜିଟିଭ ବ୍ୟକ୍ତିଙ୍କ ସାମ୍ପୁଲ ନେଇ ସିକ୍ବେନ୍ସ ଚାଲିଥିବା ବେଳେ ଡିସେମ୍ବର ପରେ ଚିହ୍ନଟ ହୋଇଥିବା ମୋଟ ପଜିଟିଭ୍ ବ୍ୟକ୍ତିଙ୍କ ମଧ୍ୟରୁ 5 ପ୍ରତିଶତ ସମ୍ପୁଲର ସ୍ବିକେନ୍ସିଂ କରାଯାଉଛି ।