ସୁପ୍ରିମକୋର୍ଟଙ୍କ ରାୟ ପ୍ରକାଶ, ପୁରୀ ରଥଯାତ୍ରାକୁ ମିଳିଲା ଅନୁମତି

16:08 June 22

ସୁପ୍ରିମକୋର୍ଟଙ୍କ ରାୟ ପ୍ରକାଶ, ପୁରୀ ରଥଯାତ୍ରାକୁ ମିଳିଲା ଅନୁମତି

ପୁରୀ ରଥଯାତ୍ରା ମାମଲାରେ ସୁପ୍ରିମକୋର୍ଟଙ୍କ ରାୟ ପ୍ରକାଶ । ଏଥର ଶ୍ରୀକ୍ଷେତ୍ରରେ ଗଡିବ ମହାପ୍ରଭୁଙ୍କ ରଥ । ବିନା ଭକ୍ତରେ କେବଳ ପୁରୀରେ ହିଁ ରଥଯାତ୍ରାକୁ ଅନୁମତି ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ । 

15:59 June 22

କେବଳ ପୁରୀରେ ରଥଯାତ୍ରା ପାଇଁ ସୁପ୍ରିମକୋର୍ଟଙ୍କ ଇଚ୍ଛା ପ୍ରକାଶ

କେବଳ ପୁରୀରେ ରଥଯାତ୍ରା ହେବା ନେଇ ସୁପ୍ରିମକୋର୍ଟଙ୍କ ଆଗ୍ରହ ପ୍ରକାଶ । ଅନ୍ୟ ସବୁ ସ୍ଥାନରେ ବନ୍ଦ ରହିପାରେ ରଥଯାତ୍ରା । ବର୍ତ୍ତମାନ ସୁପ୍ରିମକୋର୍ଟଙ୍କ ରାୟକୁ ଅପେକ୍ଷା । 

14:25 June 22

ସୁପ୍ରିମକୋର୍ଟରେ ରଥଯାତ୍ରା ମାମଲାର ଶୁଣାଣି ଆରମ୍ଭ

ସୁପ୍ରିମକୋର୍ଟରେ ଆରମ୍ଭ ହୋଇସାରିଛି ରଥଯାତ୍ରା ମାମଲାର ଶୁଣାଣି । ମୁଖ୍ୟ ବିଚାରପତି ଏସ.ଏ ବୋବଡେଙ୍କ ନେତୃତ୍ବରେ 3 ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରୁଛନ୍ତି । ଖଣ୍ଡପୀଠରେ ଜଷ୍ଟିସ ବୋପନ୍ନା ଓ ଜଷ୍ଟିସ ମାହେଶ୍ବରୀ ସାମିଲ ରହିଛନ୍ତି ।

13:19 June 22

ରଥଯାତ୍ରା ନେଇ 2.30ରୁ ଆରମ୍ଭ ହେବ ଶୁଣାଣି

ରଥଯାତ୍ରା ନେଇ ସୁପ୍ରିମକୋର୍ଟର ତିନି ଜଣିଆ ଖଣ୍ଡପୀଠ 2.30ରୁ ଶୁଣାଣି କରିବେ । ପ୍ରଥମେ ସିଜେଆଇ 2ଟାରେ କରିବା ପାଇଁ ସମୟ ଧାର୍ଯ୍ୟ କରିଥିବାବେଳେ ବରିଷ୍ଠ ଆଇନଜୀବୀ ହରିଶ ସାଲଭେଙ୍କ ଅନୁରୋଧ କ୍ରମେ ଏହାର ଶୁଣାଣି 2.30 କରିବାକୁ ନିଷ୍ପତ୍ତି ହୋଇଛି ।  

12:37 June 22

3 ଜଣିଆ ଖଣ୍ଡପୀଠରେ ଚାଲିଛି ଶୁଣାଣି

ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଏସ ଏ ବୋବଡେଙ୍କ ଅଧ୍ୟକ୍ଷତାରେ ଚାଲିଛି ରଥଯାତ୍ରା ମାମଲାର ଶୁଣାଣି । ତିନି ଜଣିଆ ଖଣ୍ଡପୀଠରେ ପ୍ରଧାନ ବିଚାରପତିଙ୍କ ସମତେ ଜଷ୍ଟିସ ଏଏସ ବୋପାନ୍ନା ଓ ଜଷ୍ଟିସ ଦିନେଶ ମାହେଶ୍ବରୀ ରହିଛନ୍ତି । 

12:20 June 22

ନାଗପୁରରୁ ଯୋଗଦେଲେ ପ୍ରଧାନ ବିଚାରପତି

ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ 3 ଜଣିଆ ଖଣ୍ଡପୀଠରେ ଚାଲିଛି ରଥଯାତ୍ରା ମାମଲାର ଶୁଣାଣି । ଭର୍ଚୁଆଲ ଶୁଣାଣିରେ ନାଗପୁରରୁ ଯୋଗ ଦେଇଛନ୍ତି ପ୍ରଧାନ ବିଚାରପତି ଜଷ୍ଟିସ୍‌ ଏସ ଏ ବୋବଡେ ।

12:04 June 22

3 ଜଣିଆ ଖଣ୍ଡପୀଠକୁ ଗଲା ମାମଲା

ସୁପ୍ରିମକୋର୍ଟର ତିନି ଜଣିଆ ଖଣ୍ଡପୀଠକୁ ଗଲା ରଥଯାତ୍ରାର ମାମଲା । ମୁଖ୍ୟ ବିଚାରପତିଙ୍କ ଅଧ୍ୟକ୍ଷତାରେ 3 ଜଣିଆ ଖଣ୍ଡପୀଠ କରିବ ଶୁଣାଣି । ସୁପ୍ରିମକୋର୍ଟର ବିଚାରପତି ଜଷ୍ଟିସ ଅରୁଣ ମିଶ୍ରଙ୍କ ସୂଚନା ।  

11:50 June 22

କେନ୍ଦ୍ର ପକ୍ଷରୁ ପକ୍ଷ ରଖିଲେ ସଲିସେଟର ଜେନେରାଲ ତୁଷାର ମେହେଟ୍ଟା

ରଥଯାତ୍ରାକୁ ନେଇ କେନ୍ଦ୍ର ପକ୍ଷରୁ ପକ୍ଷ ରଖିଲେ ସଲିସେଟର ଜେନେରାଲ ତୁଷାର ମେହେଟ୍ଟା । ରଥଯାତ୍ରା ସିଧାପ୍ରସାରଣ ହୋଇପାରିବ । ଯଦି ପ୍ରଭୁ ଜଗନ୍ନାଥ ଆସନ୍ତାକାଲି ରଥଯାତ୍ରାକୁ ନ ଆସିବେ ତେବେ ପରମ୍ପରା ଅନୁସାରେ 12 ବର୍ଷ ପର୍ଯ୍ୟନ୍ତ ରଥଯାତ୍ରା ଅନୁଷ୍ଠିତ ହୋଇପାରିବ ନାହିଁ ବୋଲି କୋର୍ଟରେ ଦର୍ଶାଇଲେ ସଲିସେଟର ଜେନେରାଲ ତୁଷାର ମେହେଟ୍ଟା । ସେହିପରି କୋରୋନାକୁ ରୋକିବା ଲାଗି ସେଠାରେ ଗୋଟିଏ ଦିନ ପାଇଁ ରାଜ୍ୟ ସରକାର କର୍ଫ୍ୟୁ ଲଗାଇପାରିବେ ବୋଲି କହିଲେ ସଲିସେଟର ଜେନେରାଲ ।

11:35 June 22

ରଥଯାତ୍ରାକୁ କେନ୍ଦ୍ର ଓ ରାଜ୍ୟର ସମର୍ଥନ

ବିନା ଭକ୍ତରେ ରଥଯାତ୍ରା କରିବାକୁ ସୁପ୍ରିମକୋର୍ଟରେ କେନ୍ଦ୍ରର ସମର୍ଥନ । ରାଜ୍ୟ ମଧ୍ୟ ଜଣାଇଲା ସମର୍ଥନ । ବିନା ଜନସମାଗମରେ କମ ଗହଳିରେ ରଥଯାତ୍ରା କରାଯାଇପାରିବ ବୋଲି ରାଜ୍ୟ ସରକାର ଦାଖଲ କଲେ ସତ୍ୟପାଠ । 

11:29 June 22

ଜଷ୍ଟିସ୍ ଏସ୍. ରବୀନ୍ଦ୍ର ଭଟ୍ଟଙ୍କ କୋର୍ଟରେ ଶୁଣାଣି ଆରମ୍ଭ

ସୁପ୍ରିମକୋର୍ଟରେ ରଥଯାତ୍ରା ମାମଲାର ଶୁଣାଣି ଆରମ୍ଭ ହୋଇଛି । ଜଷ୍ଟିସ୍ ଏସ୍. ରବୀନ୍ଦ୍ର ଭଟ୍ଟଙ୍କ କୋର୍ଟରେ ଶୁଣାଣି ଆରମ୍ଭ ହୋଇଛି । ମୂଳ ପିଟିସନ ସହ ମୋଡିଫିକେସନ ପିଟିସନର ଏକତ୍ର ଶୁଣାଣି ନେଇ ହେଉଛି ଶୁଣାଣି । ଜଣିକିଆ ଖଣ୍ଡପୀଠ ସନ୍ତୁଷ୍ଟ ହେଲେ 3 ଜଣିଆ ଖଣ୍ଡପୀଠକୁ ଯିବ ଆବେଦନ ।  

11:23 June 22

ପକ୍ଷଭୁକ୍ତ ହେଲେ ରାଜ୍ୟ ସରକାର

ସୁପ୍ରିମକୋର୍ଟରେ ପୁରୀ ରଥଯାତ୍ରା ପ୍ରସଙ୍ଗ । ରାଜ୍ୟ ସରକାରଙ୍କ ପକ୍ଷରୁ ସୁପ୍ରିମକୋର୍ଟରେ ସତ୍ୟପାଠ ଦାଖଲ । ଗଜପତିଙ୍କ ଅନୁରୋଧକ୍ରମେ ରାଜ୍ୟ ସରକାର ରଥଯାତ୍ରା କରିପାରିବେ ବୋଲି କଲେ ସତ୍ୟପାଠ ଦାଖଲ । ବିନା ଜନସମାଗମରେ କମ ଗହଳିରେ ରଥଯାତ୍ରା କରାଯାଇପାରିବ ବୋଲି ଦର୍ଶାଇଲେ ରାଜ୍ୟ ସରକାର ।