ଭୁବନେଶ୍ବର: ଲୁଧିଆନାରେ ଇସ୍କନ କର୍ତ୍ତୃପକ୍ଷ ଆସନ୍ତା ନଭେମ୍ବର ୧୬ ତାରିଖରେ ରଥଯାତ୍ରା କରିବାକୁ ନେଇ ବିବାଦ ଦେଖାଦେଇଛି । ପ୍ରଥମେ ବିଧାନସଭାରେ ଏ ପ୍ରସଙ୍ଗ ଉଠିବା ପରେ ଏବେ ରାଜ୍ୟରେ ହେଉଥିବା ବିଭିନ୍ନ ଆଲୋଚନା ଚକ୍ରରେ ଏନେଇ ମତପ୍ରକାଶ ପାଇଛି । ଗୋଟିଏ ତିଥିରେ ରଥଯାତ୍ରା ପାଳନ କରିବାକୁ ଦାବି ହେଉଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଆବାହମାନ କାଳରୁ ଆଷାଢ ମାସ ଶୁକ୍ଳପକ୍ଷ ଦ୍ବିତୀୟା ତିଥିରେ ଜଗନ୍ନାଥଙ୍କ ରଥଯାତ୍ରା ଅନୁଷ୍ଠିତ ହେଉଛି । ଏପରିକି ଶ୍ରୀମନ୍ଦିର ସତ୍ଵଲିପିରେ ଏ ବିଷୟରେ ଥିବା ଧାରା ରାଷ୍ଟ୍ରପତିଙ୍କ ଦ୍ଵାରା ସ୍ବୀକୃତିଲାଭ କରିଛି। ତେଣୁ ଏହି ଦିନରେ ଦେଶ ବିଦେଶରେ ମଧ୍ୟ ରଥଯାତ୍ରା ପାଳନ କରିବାକୁ ବିଭିନ୍ନ ମହଲରେ ଦାବି କରାଯାଉଛି । ଆଜି(ରବିବାର) ଭୁବନେଶ୍ବର ଦୁର୍ଗା ମଣ୍ଡପ ଚାରିଟେବଲ ଟ୍ରଷ୍ଟ ପକ୍ଷରୁ ଆୟୋଜିତ ଆଲୋଚନା ଚକ୍ରରେ ବକ୍ତାମାନେ ରଥଯାତ୍ରା ଗୋଟିଏ ତିଥିରେ ପାଳିବାକୁ ନେଇ ମତବ୍ୟକ୍ତ କରିଛନ୍ତି।