ଭୁବନେଶ୍ବର: ଏବେ ରାଜ୍ୟରେ ସଂକ୍ରମଣ 10 ପ୍ରତିଶତ କମିଛି। ଯେବେ 5 ପ୍ରତିଶତରୁ ସଂକ୍ରମଣ କମିବ ସେବେ ଲକଡାଉନ କୋହଳ କରାଯିବ। 16 ତାରିଖ ତୃତୀୟ ପର୍ଯ୍ୟାୟ ଲକଡାଉନ ଶେଷ ବେଳକୁ ରାଜ୍ୟରେ ସଂକ୍ରମଣ ପ୍ରାୟ 5 ପ୍ରତିଶତ ହୋଇସାରିଥିବ ବୋଲି ଆଶା କରାଯାଉଛି। ଏପରି କିଛି ଆଶ୍ବସ୍ତିକର ଆକଳନ କରିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର ।
ସ୍ୱାସ୍ଥ୍ୟ ବିଶେଷଜ୍ଞ ଆକଳନ: କମୁଛି ସଂକ୍ରମଣ ହାର, ଲାକଡାଉନ ଶେଷ ବେଳକୁ ଆହୁରି କମିବ
ତେବେ ଭୁବନେଶ୍ୱର ଓ କଟକରେ ସଂକ୍ରମଣ କମୁନଥିବାରୁ ଏଠାରେ କିଛି ମାତ୍ରାରେ କଟକଣା ରହିପାରେ। ଯାହାକୁ ନେଇ ଏହି 10 ଦିନ ମଧ୍ୟରେ ଆୟତ କରିବାର ଆବଶ୍ୟକତା ରହିଛି । ଯଦି ଲୋକମାନେ ନିୟମ ମାନିବେ ତେବେ ଏହା ନିଶ୍ଚିତ ଭାବରେ କମିପାରିବ। କଟକଣା ଯେବେ କୋହଳ ହେବ ସେହି ସମୟରେ ଅଧିକ ସତର୍କତା ଅବଲମ୍ବନ କରିବାର ଆବଶ୍ୟକତା ରହିଛି । ତେବେ ଅନ-ଲକ ପକ୍ରିୟାରେ କଟକଣାକୁ ସରକାର ପ୍ରଥମ ପର୍ଯ୍ୟାୟରେ ସମ୍ପୂର୍ଣ୍ଣ ମାତ୍ରାରେ କୋହଳ ନକରି ପାରନ୍ତି। ତେଣୁ ଏହା ଧୀରେ ଧୀରେ କୋହଳ ହେଲେ କୌଣସି ଅସୁବିଧା ହେବ ନାହିଁ ବୋଲି କହିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର ।