ଭୁବନେଶ୍ବର: ଆମେ ରକ୍ତ ଦେବା, ରକ୍ତର ଅଭାବ ଦୂର କରିବା । କୋରୋନା କାଳରେ ରହିବ ନାହିଁ ରକ୍ତର ଅଭାବ । ରକ୍ତ ବିନା ଛଟପଟ ହେବନି କୌଣସି ରୋଗୀ । ଅକାଳରେ ଝରି ପଡିବନି କାହାର ବି ଜୀବନ । ଏଇ ମହତ ଉଦ୍ଦେଶ୍ୟ ନେଇ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ରସଗୋଲା ଦିବସ ଅବସରରେ ପାହାଳ ରସଗୋଲା ଫାଉଣ୍ଡେସନ ପକ୍ଷରୁ ଆୟୋଜିତ ହୋଇଛି ରକ୍ତଦାନ ଶିବିର ।
ରସଗୋଲା ଦିବସରେ ରକ୍ତଦାନ ଶିବିର ଆୟୋଜିତ କଲା ପାହାଳ ଫାଉଣ୍ଡେସନ
ଆଜି ପବିତ୍ର ନୀଳାଦ୍ରିବିଜେ। ନବଦିନାତ୍ମକ ଯାତ ସାରି ନୀଳକନ୍ଦରକୁ ବାହୁଡିବେ ହଟିଆ ଠାକୁର । ହେଲେ ସିଂହଦ୍ବାର ସାମ୍ନାରେ ଜଗିଥିବେ ମାଆ ଲକ୍ଷ୍ମୀ । ତାଙ୍କୁ ସାଙ୍ଗରେ ନ ନେଇ ଗୁଣ୍ଡିଚା ମନ୍ଦିର ଯାଇଥିବାରୁ ଅଭିମାନରେ କବାଟ କିଳି ଦେବେ। ଆଉ ମହାପ୍ରଭୁ ମିଠା ଦେଇ ମାଆଙ୍କ ମାନଭଞ୍ଜନ କରିବେ। ଶ୍ରୀମନ୍ଦିର ପରମ୍ପରା ଅନୁସାରେ ରସଗୋଲା ଦିବସର ମହତ୍ତ୍ବ ରହିଥିବାରୁ ଏହି ଦିବସକୁ ରସଗୋଲା ଦିବସ ଭାବେ ପାଳନ କରାଯାଇଥାଏ ।